Gürcüstanda rəqəmli televiziya yayımına keçid iyunun 17-nə planlaşdırılırdı, ancaq Tiflisdə baş vermiş dağıdıcı daşqın buna mane olub. Analoq yayımının söndürülməsi altı həftə ərzində mərhələli şəkildə həyata keçiriləcək.
Milli.Az ICTnews-a istinadən bildirir ki, Gürcüstan iyulun 1-dən rəqəmli televiziya yayımına keçib, analoq yayımının söndürülməsi ölkənin paytaxtından başlayaraq mərhələli şəkildə həyata keçiriləcək.
"Analoq televiziya yayımının söndürülməsi və rəqəmli yayıma keçid mərhələli şəkildə 6 həftə ərzində bütün ölkəni əhatə edəcək" - Gürcüstanın Milli Kommunikasiya Komissiyasından bildirilib.
Milli.Az