Texnologiya

Yeni parol beyin olacaq

16 Aprel 2015 23:20
0 Şərh     Baxış: 1 692
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Cənubi Koreyanın internet və təhlükəsizlik məsələləri ilə məşğul olan KISA agentliyi yeni nəsil biometrik texnologiya hazırlamasını açıqlayıb.

Layihə gələcəkdə beyin və ürəkdən internetdə müxtəlif hesablara daxil olmaq üçün parol kimi istifadəyə imkan verəcək.

Biosiqnallar - məsələn, kardioqram və elektroensefaloqram barmaq izləri, qüzehli qişa və üzün skan edilməsindən sonra növbəti autentifikasiya səviyyəsidir. Yeni texnologiyalar artıq sertifikatlaşdırılıb və 2018-ci ildə istifadəyə verilməsi gözlənilir.

Milli.Az ICTnews-a istinadən bildirir ki, KISA biometrik texnologiyaların tətbiqi üzrə elmi-tədqiqat komitəsi təsis edib. Bu sahədə çalışan ekspertlər Cənubi Koreyanın tibb universitetləri nəzdində fəaliyyət göstərən aparıcı klinikalarda tədqiqatlarla məşğul olurlar. Layihənin hazırlanmasında həmçinin gələcəkdə biosiqnalları öz məhsullarına tətbiq etmək istəyən biznes nümayəndələri, eləcə də telekommunikasiya sahəsi mütəxəssisləri iştirak edir.

Aparılan tədqiqatlar Asiya Biometriya Konsorsiumu ilə birləşdiriləcək. Bu, diqqəti fərdi biometrik göstəricilərin təhlilinə, mobil telefonlardan biosiqnalların oxunması üçün sensorların standartlaşdırılmasına və təhlükəsizliyə yönəltməyə imkan verəcək.

Texnologiya daşınan qurğular vasitəsilə biosiqnalların ölçülməsini və məlumatların smartfonlara ötürülməsini nəzərdə tutur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.