Texnologiya

Facebook polisin bəd əməlini faş elədi

19 Oktyabr 2014 18:23
0 Şərh     Baxış: 1 156
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
"Facebook" sosial şəbəkəsi ABŞ Narkotiklərlə Mübarizə İdarəsindən (DEA) idarənin apardığı təhqiqatlar çərçivəsində saxta hesablardan istifadə etməməsinə zəmanət tələb edib.

Anspress-in Rabitə və Yüksək Texnologiyalar Nazirliyinə istinadən verdiyi məlumata görə, sosial şəbəkənin təhlükəsizlik xidmətinin rəisi Co Sallivan "DEA" administrasiyasına ünvanladığı məktubda bildirib ki, hüquq-mühafizə orqanları digər istifadəçilər kimi eyni qaydalara riayət etməlidir. Xidmət rəisi vurğulayıb ki, qaydalara yalan informasiyadan istifadədən imtina daxildir.

C.Sallivan "DEA"-ya məktubu Nyu-York sakini olan qadının şikayətindən sonra göndərib. Qadın deyib ki, idarə agentləri onun adından və fotoşəklindən istifadə edərək saxta səhifə yaradıblar.

Qadının sözlərinə görə, fotoşəkillər 2010-cu ilin iyulunda onun narkotik saxlamasına görə həbsi zamanı mobil telefonun yaddaşından götürülüb. Saxta səhifədən "DEA"-nın apardığı təhqiqat zamanı istifadə olunub. Zərərçəkmiş mənəvi ziyana görə 250 min dollar tələb edir.

ABŞ Ədliyyə Nazirliyi insidenti araşdıracağını bildirib. Bununla belə, nazirlik nümayəndəsi Brayan Fellonun qeyd edib ki, bu, bizim federal hüquq-mühafizə orqanları arasında geniş yayılmış praktika deyil, - "RBK" yazır.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.