Sağlamlıq

"Ürək-damar xəstəliklərinə kişilər arasında daha çox rast gəlinir"

1 Oktyabr 2016 14:53
0 Şərh     Baxış: 1 255
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Son 15 ildə Mərkəzi Klinik Xəstəxanada ürəklə bağlı 11 mindən çox əməliyyat icra olunub". "Report"un məlumatına görə, bunu jurnalistlərə açıqlamasında Mərkəzi Klinik Xəstəxananın baş həkimi Kamran Musayev deyib.

O bildirib ki, əməliyyatların əksəriyyəti ürək-damar xəstəlikləri səbəbi ilə icra edilən koronar-şuntlama əməliyyatıdır: "Bu da ürək əməliyyatının təxminən 60 faizini əhatə edir. Bu zamana kimi əməliyyat edilən ən cavan xəstənin 28, yaşlı xəstənin isə 90 yaşı olub. Ürək-damar xəstəlikləri kişilər arasında daha çox rast gəlinir. Ancaq qadınlarda müəyyən yaş dövründən sonra kişilərlə müqayisədə aradakı fərq aradan qalxır".
Ürək-damar xəstəliklərinin dünya və Azərbaycanda ölümə səbəb olan xəstəliklər sırasında öndə gəldiyini xatırladan baş həkimin sözlərinə görə, Ümumdünya Səhiyyə Təşkilatının hesablamasına görə, ötən il 17,5 milyon insan məhz ürək-qan dövranı xəstəliklərindən həyatını itirib.

O, həmçinin əlavə edib ki, Azərbaycanda yenidoğulanlar arasında ürək qüsurları ilə bağlı statistikada artım yoxdur və mövcud tendensiya dünya ölkələrindəki göstərici ilə eynidir: "Bu gün bir çox mərkəzlərdə yenidoğulmuşların kardioloji müayinə və müalicəsində, həm də ən ciddi əməliyyatlarda irəliləyişlər əldə olunur. Təbii ki, bu əməliyyatlardan sonra müəyyən ağırlaşma faizləri olur. Keçən ilin statistikasına əsaslanaraq demək olar ki, Azərbaycandakı göstərici dünya rəqəmləri ilə eynilik təşkil edir. Mərkəzi Klinik Xəstəxanada bu tip əməliyyatlar 1 faiz risklə icra olunur".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.