Sağlamlıq

Orqanizmi payıza hazırlayan 12 faydalı qida

30 Sentyabr 2016 23:12
4 Şərh     Baxış: 2 219
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Payızın gəlişi, mövsüm dəyişikliyi, hava temperaturunun aşağı düşməsi immunitet sistemini zəiflədir. Milli.Az publika.az-a istinadən bildirir ki, bu zaman bir çox insan qripdən, soyuqdəymədən əziyyət çəkir.

Lakin ətrafınızda heç xəstələnməyənlər də yəqin ki, var. Onların bunu necə etdiyini bilmək istəyirsiniz?
Publika.az-ın sağlamlıq bölməsi immuniteti gücləndirən qidaların siyahısını təqdim edir:
1. Brokkoli
C və E vitamini anbarı olan brokkoli immuniteti gücləndirir. Qida rasionunda tərəvəzlərin üstünlük təşkil etdiyi şəxslər nadir hallarda xəstələnirlər.
2. İspanaq
A, B, C, E vitaminləri, kalsium, maqnezium baxımından zəngin olan ispanaq infeksiyaların qarşısını alır, immuniteti gücləndirir.
3. Sarımsaq
Tərkibindəki antioksidantlar immun sistemini dəstəkləyir. Daha təsirli olması üçün doğramamış və bişirilməmiş şəkildə yeyilməlidir.
4. Balqabaq
Balqabaq payız mövsümünün ən faydalı bostan bitkisidir. C vitamini və E vitaminlərilə zəngin olan balqabağın tərkibində sağlamlığımız üçün lazım olan dəmir, kalium kimi vacib minerallar da var.
5. Balıq
Alabalıq, qızılbalıq kimi balıq növləri immuniteti gücləndirdiyi üçün həftədə ən az 1 dəfə istehlak edilməsi təklif edilir.
6. Təzə qırmızı istiot
Tərkibindəki beta-karotin, C və E vitaminləri ilə immuniteti möhkəmləndirir.
7. Qreypfrut
Yüksək miqdarda C vitamini ehtiva edən qreypfrut, həm də immuniteti aktivləşdirən flavonoidlərdən ibarətdir.
8. Yaşıl Çay
Polifenol tərkibi ilə immunitetə olduqca əhəmiyyətli təsir göstərir. Soyuqdəymənin qarşısını almaq üçün hər gün 1 fincan yaşıl çay için.
9. Nar
Antioksidant xüsusiyyəti ilə tanınan nar tərkibindəki A və C vitamini sayəsində immuniteti gücləndirir.
10. Alma
C və E vitamini ilə zəngin olan alma xəstəliklərlə mübarizədə bədənin müqavimətini artırır.
11. Yumurta
A vitamini və beta-karotinlə zəngin olan yumurta güclü immunitet müdafiəçisidir.
12. Qatıq
Qatıq orqanizmdən zərərli bakteriyaları yox edərək immuniteti gücləndirir.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.