Sağlamlıq

Yuxusuzluq TƏHLÜKƏLİDİR!

25 İyul 2016 23:02
11 Şərh     Baxış: 2 204
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bir qrup çinli tədqiqatçı müəyyən edib ki, insan bir aydan çox yuxusuzluqdan əziyyət çəkirsə, bu, onun baş beynindəki ağ maddənin strukturuna pis təsir göstərir. Mütəxəssislərin fikrincə, yuxusuzluq beynin müxtəlif şöbələrinin qarşılıqlı əlaqəsinə də mənfi təsir edir.

AZƏRTAC "Radiology" elmi jurnalına istinadla xəbər verir ki, yuxusuzluq xroniki yorğunluq hissi, əhval pozğunluğu, koqnitiv qabiliyyətlərin müvəqqəti zəifləməsi, bəzi hallarda isə depressiya və digər təhlükəli pozuntularla nəticələnə bilər. Bununla belə, ekspertlər iddia edirlər ki, yuxusuzluğun və onun belə fəsadlar doğurmasının səbəbləri barədə hələ də yetərli məlumat yoxdur.

Bu boşluğu doldurmaq üçün tədqiqatçılar ilkin yuxusuzluq deyilən problemdən (orta dərəcəli yuxusuzluqdan fərqli olaraq, ilkin yuxusuzluq hər hansı bir xəstəliyin deyil, fərdin psixofizioloji xüsusiyyətlərinin nəticəsidir) əziyyət çəkən 23 nəfəri maqnit-rezonans tomoqrafiyası ilə müayinə ediblər. Bundan əlavə, alimlər yuxusuzluqdan əziyyət çəkməyən 30 adamın beynini skanerdən keçiriblər.

Tədqiqat göstərib ki, yuxusuzluqdan əziyyət çəkən adamların beynindəki ağ maddənin strukturu pozulub. Bu, ilk növbədə sağ yarımkürədə, xüsusilə funksiyaları şüur, yuxu və diqqət ilə bağlı olan talamus və döyənək cisim şöbələrində müşahidə edilib. Alimlər yuxusuzluğun beyində sinir liflərinin müdafiə qatının - miyelinin miqdarının azalması ilə bağlı olduğunu da aşkar ediblər. Ola bilsin, ağ maddənin dağılmasına da məhz bu müdafiənin zəifləməsi səbəb olur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.