Düzgün seçilmiş nəqliyyat vasitəsi gün ərzində insanın əhval-ruhiyyəsinə təsir göstərir.Alimlər avtomobillərdən istifadənin insan psixologiyasına ziyanlı olduğunu bildirirlər
Anspress-in məlumatına görə, Şərqi İngiltərə Universitetinin psixoloqları işə velosiped və ya piyada getməyi məsləhət görürlər. Onlar qeyd ediblər ki, avtomobildən istifadə insanın diqqətini cəmləməsinə mane olur və insanın səhhətinə mənfi təsir göstərir.
10 illik araşdırmadan sonra alimlər, 18 min britanyalı ilə bu mövzuda təcrübə aparıblar. Onların 73%-i avtomobil ilə, 13%- i piyada və 3%- i velosiped ilə işə gedib. 11%- i isə ictimai nəqliyyatdan istifadə edib.
Nəticədə avtomobildən istifadə etməyən insanlar etiraf ediblər ki, onların psixologiyası və əhval-ruhiyyəsi düzəlib. Həmçinin ictimai nəqliyyatdan istifadə edənlərin də psixologiyasında sürətli yaxşılaşma müşahidə olunub.
Alimlər bildirir ki, avtomobildə uzun müddət vaxt keçirən insanlarda psixologiya korlanmış olur.
Alimlər mütəmadi piyada gəzməyi tövsiyə edirlər.
Onu da qeyd edək ki, araşdırmalar göstərdi ki, gün ərzində orta hesabla 16 kilometr piyada gəzmək döş xərçəngindən əziyyət çəkənlərin 40 %-nin, prostat xərçəngindən əziyyət çəkənlərin isə 30 %-nin ölüm riskini azaldır.
Milli.Az