Sağlamlıq

ÜST: Hepatit hər il 1,4 milyon insanın ölümünə, kəskin və xroniki qaraciyər xəstəliklərinin inkişafına səbəb olur

23 İyul 2014 13:12
0 Şərh     Baxış: 1 033
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bütün dünyada 28 iyul - Ümumdünya Hepaititlə Mübarizə Günü kimi qeyd olunur

Səhiyyə Nazirliyindən APA-ya verilən xəbərə görə, A, B, C, D, E Hepatiti kimi tanınan yoluxucu xəstəliklər qrupuna aid virus hepatitləri, dünyada milyonlara insana təsir edərək, hər il 1,4 milyon insanın ölümünə, kəskin və xroniki qaraciyər xəstəliklərinin inkişafına səbəb olur. Hepatit viruslarının ötürülmə yolları müxtəlifdir.

Hepatit A və E - çirklənmiş qida və su vasitəsi ilə, Hepatit B - təhlükəli qan və daxili mühit mayeləri vasitəsi ilə, Hepatit C - əsasən, çirklənmiş qan vasitəsi ilə, Hepatit D - Hepatit B-in iştirakı ilə, əlavə infeksiya kimi yoluxur: "Təəssüflə qeyd etmək lazımdır ki, hələ də cəmiyyətdə Hepatitə qarşı biganəlik və məlumatsızlıq hökm sürür. Dünyada bu xəstəliyə qarşı ciddi tədbirlər həyata keçirilməkdədir. Belə ki, cari ilin aprel ayında Ümumdünya Səhiyyə Təşkilatı Hepatit C-nin müalicəsinə dair yeni tövsiyələr qəbul edib. Həmçinin, may ayında Ümumdünya Səhiyyə Assambleyası 194 üzv dövlətlə birlikdə, virus Hepatitin qarşısının alınması, xəstəliyin diaqnozu və müalicəsinə dair qətnamə qəbul edib.

28 iyul 2014-cü il Ümumdünya Hepatit Gününün şüarı "Yenidən düşün" (Think again) olacaq. Ümumdünya Səhiyyə Təşkilatı bütün dünyada siyasətçiləri, tibb işçilərini və ictimaiyyəti bu səssiz ölüm barədə "yenidən düşünməyə" çağırır".

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.