Cəmiyyət

Azərbaycanda kolleclərə qəbul olanların qeydiyyat müddəti uzadılıb

18 Avqust 2014 14:52

0 Şərh Baxış: 890

#CƏMİYYƏT #TƏHSİL

Azərbaycanda yeni tədris ili üçün 9 illik bazada kolleclərin boş qalan plan yerlərinə qəbul olan şəxslərin qəbul olduqları təhsil müəssisələrində qeydiyyatı müddəti uzadılıb.

Trend Tələbə Qəbulu üzrə Dövlət Komissiyasının saytına istinadən bildirir ki, 2014/2015-ci tədris ili üzrə ümumi orta təhsil bazasında (9 illik) orta ixtisas təhsili müəssisələrinin boş qalan plan yerlərinə qəbul olan şəxslərin qəbul olduqları təhsil müəssisələrində qeydiyyatı avqustun 13-dən aparılır. Bu müddətin avqustun 18-də başa çatdırılması nəzərdə tutulsa da, TQDK rəhbərliyinin qərarına əsasən, müddət 22 avqust saat 17:00-dək uzadılıb.
Ümumi orta təhsil bazasında orta ixtisas təhsili müəssisələrinin boş qalan plan yerlərinə qəbul olan şəxslər həmin vaxtadək sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər.

Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri müvafiq təhsil müəssisəsinə göndərilməyəcək.

Milli.Az