İqtisadiyyat

Bakıya uçan təyyarə taksilərinin qiyməti açıqlandı - FOTO

6 Aprel 2017 23:33
4 Şərh     Baxış: 11 811

Gürcüstanın "Adjara Group Hospitality" şirkətinin yenicə istifadəyə verdiyi təyyarə taksilərinin Bakıya uçuş qiyməti açıqlanıb.

Milli.Az seyyah.az-a istinadən bildirir ki, şirkətdən verilən məlumata görə, təyyarə taksilərlə Tbilisidən Bakıya və geriyə (yəni iki tərəfə) uçuş qiyməti 6930 dollar təşkil edir. Tbilisidən Bakıya bir tərəfli uçuş da bu qiymətə başa gələcək, çünki istənilən halda təyyarə Tbilisidən qayıtmalıdır.

Təyyarə taksi ilə Tbilisidən İstanbula və geriyə uçuş isə 11200 dollar təşkil edir.

Bu qiymətə təyyarə taksinin təyinat yerində beş saat gözləməsi də daxildir. Yəni sərnişin getdiyi yerdə işini beş saat ərzində bitirərsə, həmin təyyarə ilə geri qayıda bilər. Ləngimə beş saatdan artıq olarsa, əlavə ödəniş tələb olunacaq.

Bundan əlavə aeroportdakı qarşılanma xidməti xərcləri də ödənilməlidir - adambaşına 150 dollar.  

Bakıya uçuş üçün iki həftə, İstanbula isə 2-3 gün əvvəl sifariş verilməlidir.

Qeyd edək ki, "Beechcraft king Air C90 GTx" taksi təyyarələri Tbilisi beynəlxalq aeroportundan Gürcüstanın bütün yerli hava limanına, eləcə də, Bakı, Yerevan, İstanbul, Trabzon və digər regionlara uçuşlar həyata keçirəcək.

Yeni, müasir tipli avadanlıqla tam təchiz olunmuş təyyarə beş nəfər sərnişin üçün nəzərdə tutulub.

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

DİGƏR XƏBƏRLƏR

Şərh yaz:

4 Şərh:

  • Anonim
    Turush · 6 Aprel 23:39131

    Dehset.coxx ucuzdu.mutleq istifade etmek lazimdi.

    Cavab yaz
  • Anonim
    Mən · 7 Aprel 06:3921

    Bu, ancaq pulu çöldən yıganlar üçündür,qudurub minsinlər.

    Cavab yaz
  • Anonim
    nn · 7 Aprel 19:1201

    Əliniz cibinizdə olsun. Dəhşət. Bu nə qiymətlərdi? Bu taksilərdən nazirlər, deputatlar, müqənnilər istifadə edəcəklər.

    Cavab yaz
  • Anonim
    Yaziq · 7 Aprel 20:5600

    Yaxwidi da gerey arada bir gedim gelim da

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.