İqtisadiyyat

Ekspert: "“Cənub Qaz Dəhlizi” Azərbaycanın regional mövqeyini gücləndirəcək"

24 Fevral 2017 17:06

Baxış: 650

#DÜNYADA #CƏMİYYƏT #İQTİSADİYYAT

"Cənub Qaz Dəhlizi" layihəsinin reallaşdırılması Azərbaycanın regional mövqeyini gücləndirməyə imkan verəcək.

Milli.Az xəbər verir ki, bunu Trend-ə "Mediterranean Energy Political Risk Consultancy"nin siyasi risklər və enerji məsələləri üzrə məsləhətçisi Siril Viddershoven deyib.

Onun sözlərinə görə, "Cənub Qaz Dəhlizi" kimi yeni marşrutların yaradılmasa, Avropa İttifaqının enerji təhlükəsizliyi siyasəti uğursuzluğa düçar olacaq.

Ekspert qeyd edib ki, Azərbaycandan qaz tədarükü Avropa İttifaqının enerji təhlükəsizliyinin güclənməsinə yol açacaq: "Azərbaycanın bu layihədəki mövqeyi böyük əhəmiyyət daşıyır və Azərbaycanın daimi dəstəyi olmadan layihənin reallaşması qeyri-mümkün görünür".

Milli.Az

Digər maraqlı xəbərlər Milli.Az-ın Facebook səhifəsində