İqtisadiyyat

Sevinc dərmandan daha yaxşıdır! - FOTO

6 Fevral 2017 11:59

Baxış: 855

#İQTİSADİYYAT #BANKLAR

Ölkəmizdə gənclərin, xüsusilə də körpə və yeniyetmə yaşına çatmamış uşaqların sağlamlığı, onların müayinə və müalicəsi üçün dövlətimiz tərəfindən dünya meyarlarına uyğun səhiyyə ocaqları inşa və lazımi avadalıqla təchiz edilmişdir.

Bu müəssisələrdən biri də bir neçə ildir fəaliyyət göstərən Milli Onkologiya Mərkəzinin nəzdində olan Uşaq Onkoloji şöbəsidir. Burada kompleks müalicənin bütün növləri mükəmməliklə icra edilməkdədir.

Fevralın 4-ü Ümumdünya Xərçənglə Mübarizə Günündə Azər Türk Bankın nümayəndələri Milli Onkologiya Mərkəzinin nəzdində olan Uşaq Onkoloji şöbəsindəki xəstə uşaqlara baş çəkmiş, onların və valideynlərinin yeganə ehtiyacının ictimai diqqət, mənəvi dəstək, insanların sevgi və ünsiyyəti olduğunu görmüşlər. Verilən hədiyyələrdən daha çox uşaqlar klounların şən rəqslərinə, zarafatlarına sevinmiş, ürək dolusu şənlənmişlər. Sevinc və gülüş dərmandan daha yaxşı müalicə edir, demişlər aqillər. Biz də Azər Türk Bank olaraq şəfa arzusu ilə xəstə uşaqlara beləcə sevinc payı gətirdik.