İqtisadiyyat

Rövnəq Abdullayev yazdı: ""Star" neft emalı zavodu bizə imkan verəcək ki..."

5 May 2015 20:49
0 Şərh     Baxış: 1 329
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
"Azərbaycan Respublikası Dövlət Neft Şirkətinin (SOCAR) aktivlərinin inkişaf etdirilməsi əsas hədəflərdəndir".

Trend-in məlumatına əsasən, bu barədə SOCAR-ın prezidenti Rövnəq Abdullayevin rəsmi mətbuatda dərc edilən məqaləsində deyilir.

Onun sözlərinə görə, Türkiyənin neft-kimya sektorunun yeganə istehsalçısı olan "Petkim"in xammalla etibarlı təchiz olunması məqsədilə inşa edilən "Star" neft emalı zavodu, konteyner limanı və elektrik stansiyası layihələri bizə imkan verəcək ki, 2023-cü ildə bu nəhəng müəssisələr zəncirini yalnız Türkiyənin deyil, bütövlükdə regionun ən böyük neft-kimya, logistika və liman mərkəzinə çevirək.
 

SOCAR-ın prezidenti qeyd edib ki, bu gün Gürcüstanın qaz təchizatının 90 faizini SOCAR təmin edir: "Qonşu ölkənin onlarla qazpaylayıcı şəbəkəsi SOCAR tərəfindən idarə olunur. Gürcüstanda neft məhsullarının pərakəndə satış bazarının təqribən 25 faizinə SOCAR nəzarət edir. Qara dənizdə Azərbaycana əlverişli mövqe qazandırmış Kulevi Neft Terminalı ildə 10 milyon ton həcmində neftin və neft məhsullarının qəbulu, saxlanması və tankerlərə yüklənməsinə imkan verir. Terminal hazırda Azərbaycanla yanaşı, Mərkəzi Asiya ölkələrindən xam neft və neft məhsullarının da dünya bazarına nəql edilməsində əhəmiyyətli rol oynayır".
 

R.Abdullayev bildirib ki, neft məhsullarının istehlakçılara satışını birbaşa və əlverişli şərtlərlə təmin etmək, bu sahədən gəlirləri optimallaşdırmaq və fəaliyyəti mərkəzləşdirmək məqsədi ilə İsveçrədə təsis edilən "SOCAR Trading S.A." şirkəti qısa bir müddətdə Avropada özünü tanıdaraq, Cenevrə, Sinqapur, Türkiyə, BƏƏ, Nigeriya və Vyetnamdakı bölmə və nümayəndəlikləri vasitəsilə Şərqi və Cənub-Qərbi Avropa, Şimali və Qərbi Afrika, Cənub-Şərqi Asiya və Aralıq dənizi hövzəsindəki bazarlarda möhkəmlənib: "Treydinq şirkəti BƏƏ-də Fucayra limanında terminal tikintisini uğurla davam etdirir. Artıq tikintinin ikinci mərhələsi çərçivəsində quraşdırılmış 12 rezervuar istismar olunur".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.