Toy mövsümünün başlaması ilə əlaqədar qızılın qiyməti artacaq
Azərbaycanda ənənəvi olaraq məhərrəm ayı başa çatan kimi toy mövsümü start götürür. Toy mövsümündən ən çox qazananlar isə restoranlar, müğənnilər və qızıl ticarətçiləri olur.
Bu dəfə qızıl bazarındakı durumu və dünya bazarında gedən iqtisadi proseslərin qızılın qiymətinə necə təsir etməsini araşdırdıq. Neftin ucuzlaşması, dolların dəyərinin gündən-günə artması, Rusiya rublunun çətin günləri və ən əsası toy mövsümünün başlaması qızıl bazarına necə təsir edir? Bu suallara aydınlıq gətirmək üçün öncə "Laçın" Ticarət Mərkəzinin zərgərlik məmulatları satılan şöbəsinə baş çəkdik. Bazarda alıcı seyrəkliyi nəzərə çarpırdı. Piştaxtaların qarşısında 3-4 alıcı görmək mümkün idi.
Satıcılara yaxınlaşıb alverin necə getdiyini soruşduq. Bəziləri "rəhbərlik icazə vermir" deyərək danışmaqdan imtina etsə də, bəzi satıcılar bazardakı vəziyyət haqqında danışdılar.
3 ildir qızıl satışı ilə məşğul olduğunu deyən Şahnaz Babayeva bildirdi ki, toy mövsümünün başlamasına az qalması ilə əlaqədar artıq qızılın qiymətində 2 manata qədər bahalaşma var: "Hər il məhərrəmlikdə bazarda, demək olar ki, müştəri görmək olmur. Ancaq məhərrəmliyin sonuna yaxın nisbətən canlanma olur. Əgər əvvəllər gün ərzində 50 nəfər alıcı yaxınlaşırdısa, məhərrəmlik zamanı 4-5 nəfər alıcı gəlir. Təbii ki, bu da qiymətlərə təsir edir. Son iki ayda qızıl kəskin ucuzlaşmışdı. Ancaq bir neçə gündən sonra 5 manata qədər bahalaşma olacaq. Çünki tələbat artır və bu da qiymətlərə təsir edir".
Satıcının sözlərinə görə, hazırda onun piştaxtasında olan 583 əyarlı Rusiya qızılının bir qramı 25 manat, 585 əyarlı Türkiyə qızılının qramı 28 manat, 750 əyarlı İtaliya qızılının qramı isə 33-34 manatdır. Satıcının sözlərinə görə, qarşıdakı günlərdə qızıl qiyməti artan xətt üzrə gedəcək.
Digər satıcı, 10 ildən artıqdır qızıl ticarəti ilə məşğul olan Səbuhi Məmmədov bildirdi ki, məhərrəmliyin sona çatmasına az qalması ilə əlaqədar artıq ötən həftədən başlayaraq bazarda canlanma var və bu qiymətlərə də təsir edib: "Demək olar ki, alıcılıq 20-30 faiz artıb. İki aydı, durğunluq idi. Artıq qızıl almağa gələnlərin sayı artır".
Müsahibimin sözlərinə görə, təkcə toy mövsümünün yaxınlaşması yox, dünya bazarında gedən iqtisadi proseslər də qızılın qiymətinə və satışına təsir edir: "Dünyada neft ucuzlaşır, dollar isə bahalaşır. Rusiyada pulun dəyəri ölüb. Bu Azərbaycanda da ticarətə təsir edir. Bu bazarın alıcılarının bəlkə də 40-50faizinin gəliri Rusiyadan idi. İndi rubl dəyərdən düşdüyünə görə insanlarda pul yoxdur. Artıq Rusiyadan pul gəlmir. Millət gündəlik çörəkpulunu fikirləşir".
Satıcı onu da qeyd etdi ki, firmasından və dizaynından asılı olaraq Rusiya qızılının qramını 23-28 manatdan, Türkiyə qızılını 26-30 manatdan, İtaliya qızılının qramını isə 32-40 manatdan satır.
Digər satıcı Zahid Əliyev isə qızılın qiymətinin insanlara psixoloji təsirindən danışdı. Qeyd etdi ki, bazarda durğunluq olanda insanlarda bir rahatlıq yaranır ki, onsuz da qızıl ucuzdur, istədikləri zaman ala bilərlər. Ancaq qızıl ən pik həddə bahalaşanda alıcılıq da artır. İnsanlar qorxur ki, bundan da baha ola bilər və tez almaq lazımdır.
Söhbətləşdiyimiz satıcılar yaxın günlərdə ticarətin əvvəlki tempinə qayıdacağına ümidli olduqlarını bildirdilər.
Yeni Müsavat
Böyütmək üçün şəkillərə klikləyin.
DİGƏR XƏBƏRLƏR
- Azərbaycanla Türkiyə arasında ikiqat vergitutma aradan qaldırılacaq
- Kreditlərinizi Kapital Bank-a gətirin nağdlaşdırma komissiyası olmadan kredit əldə edin
- Azərbaycana gətirilən dondurulmuş toyuqda bakteriya aşkarlandı
- “Kapital Bank” ASC-nin istiqrazlarının Bakı Fond Birjasında yerləşdirilməsi yekunlaşıb
- ABB-nin dəstəyi ilə ADA-da “Karyera Həftəsi”nə start verildi!
- Əmisinin meyitini əlil arabasında banka apardı - Səbəb təəccüb doğurur - VİDEO
XƏBƏR LENTİ
- Suriya hərbçiləri pusquya düşdü: 16 nəfər öldü
- Teleqramda da stikerlər düzəltmək mümkün olacaq
- Bakının mərkəzində yarım milyonluq qəza
- İbrahim Tatlısəslə oğlu arasında qalmaqal
- "Qarabağ"ın keçmiş rəqibi İngiltərə səddini də keçdi
- ABŞ və İsrail rəsmiləri İranın hücumlarını müzakirə etdilər
- "Səninlə Şuşaya getməyi çox istəyirdi, amma..." - FOTOlar
- İdarəolunmaz xəstə... - Zaxarovadan eston komandana cavab
- ABŞ Fələstinlə bağlı qətnaməni blokladı
- Yuxuda danışmaq, üzün qızartısı: İdarə edə bilmədiyimiz qabiliyyətlərimiz - ARAŞDIRMA
- Boşanmaq Colinin işinə yaradı
- Yerkökü və qaragilə görməni yaxşılaşdırır?
- Dilandan transparan libasda FOTOlar
- “Mercedes”lərdə problem aşkarlandı: 260 mindən çox avtomobil geri çağırılır
- Qurban Qurbanovun oğlunun Messi ilə FOTOsu sosial şəbəkələrdə trend oldu
- Bakıda yarım milyona Quran satılır? - FOTO
- Yatmadan əvvəl 11 zeytun yeyin
- Nobel İnstitutundan CAVAB: “Vardanyanın mükafata namizəd göstərilməsi fərziyyədir”
- COP29-un prezidenti ABŞ-nin keçmiş dövlət katibi ilə görüşdü
- Günün qoroskopu: Gərəkli anlarda yaxşı reaksiya tələb olunur
- KİV: Ukrayna hərbçiləri sursat çatışmazlığı fonunda mövqelərini qoruya bilmirlər
- Ancelinanın yeni döyməsi: Bu xatirəni bədənində əbədiləşdirdi - FOTO
- Yadplanetlilər haqda daha bir film çəkəcək
- İsraili növbəti eskalasiyadan çəkindirmək üçün... - Abdullahian