İqtisadiyyat

Azərbaycanın kənd təsərrüfatı sığortalanacaq?

2 Oktyabr 2014 18:45
Baxış: 1 189
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Bu gün kənd təsərrüfatı naziri Heydər Əsədov İsveçrənin "SWISS Re" şirkətinin rəhbəri Martin Parkerin başçılıq etdiyi nümayəndə heyəti ilə görüşüb.

Milli.Az xəbər verir ki, Kənd Təsərrüfatı Nazirliyinin mətbuat xidmətindən Trend-ə verilən məlumata görə, görüşün məqsədi aqrar sahədə sığorta risklərinin "SWISS Re" şirkəti tərəfindən təkrar sığortası ilə bağlı fikir mübadiləsinin aparılması olub.

H.Əsədov qonaqları səmimi salamlayaraq iqtisadiyyatın əsas prioritet sahəsi olan kənd təsərrüfatında sığorta sisteminin tətbiqinin vacibliyini qeyd edib və bu sahədə əməkdaşlığa önəm verdiyini bildirib.

M.Parker rəhbərlik etdiyi şirkət barədə ətraflı məlumat verərək bu şirkətin yeni innovasiyalar, yeni xidmətlərlə məşğul olduğunu qeyd edib, dünyada olan fəlakətlərin (su daşqınları, quraqlıq, zəlzələlər, güclü küləklər) 75 faizinin sığortalanmadığını, kənd təsərrüfatına böyük ziyanın dəydiyini, lakin ödənişin dövlət tərəfindən ödənildiyini bildirib. O, bu şirkətin sığorta sahəsində böyük təcrübəyə malik olduğunu və dünyanın bir sıra ölkələrində bu sistemin tətbiq olunduğunu, Azərbaycanla da bu sahədə əməkdaşlığa önəm verdiyini deyib.

Nazir kənd təsərrüfatına əsas iki təbii fəlakətin - quraqlıq və yoluxucu xəstəliklərin ziyan vurduğunu bildirərək sığorta sahəsində olan boşluqların aradan qaldırılması məqsədilə bu şirkət tərəfindən texniki köməkliyin göstərilməsi, sığorta sahəsində hüquqi bazanın yaradılması isqamətlərində bu şirkətin təcrübəsindən istifadə olumasını və gələcək birgə fəaliyyət üçün işçi qrupunun yaradılmasını məqsəduyğun hesab edib.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.