İqtisadiyyat

Bakı-Tbilisi qatarlarına əlavə vaqonlar qoşulur

24 İyul 2014 17:34
0 Şərh     Baxış: 590
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
""Azərbaycan Dəmir Yolları" QSC Bakı-Tbilisi-Bakı marşrutu üzrə sərnişin axınının artması ilə əlaqədar qatarlara əlavə vaqonlar qoşur".

Bu barədə Trend-ə QSC-nin mətbuat xidmətinin rəhbəri Nadir Əzməmmədov bildirib.

Onun sözlərinə görə, göstərilən istiqamətlərdə sərnişin axınının pik həddi istirahət günlərinə təsadüf edir və buna görə də qatarlara əlavə vaqonlar qoşulması zərurəti yaranır: "Bu istiqamətdən xeyli sərnişin istifadə edir və istirahət günləri sərnişin axınının artması müşahidə olunur. Çoxlu sayda sərnişinin daşınmasını təmin etmək üçün Bakı-Tbilisi-Bakı marşrutunda çalışan qatarlara əlavə vaqonlar qoşulur".

Bakı-Tbilisi-Bakı marşrutu üzrə turist qatarının xəttə buraxılmasına dair suala cavab verən N.Əzməmmədov qeyd edib ki, müvafiq qərar adətən turizm şirkətlərinin müraciətləri əsasında qəbul edilir ki, bu da sərnişin axını ilə müəyyən edilir.

Mətbuat xidmətinin rəhbəri bildirib ki, hələlik bu məsələ ilə bağlı müraciətlər daxil olmayıb.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.