ABŞ-ın Avropadakı müttəfiqlərinin enerji təhlükəsizliyinin təmini istiqamətində Xəzər dənizinin enerji ehtiyatlarının və xüsusilə təbii qazın nəqli yollarının şaxələndirilməsi vacibdir. Trend-in məlumatına görə, bu barədə ABŞ-ın enerji naziri Ernest Moniz "Təbii qazın dəyişən landşaftı" adlı genişmiqyaslı siyasi forumda enerji təlükəsizliyinin təminində Xəzər dənizi və Azərbaycanın strateji əhəmiyyəti barədə müzakirələr zamanı deyib.
E.Moniz bu məqsədə xidmət edən enerji layihələrinin ABŞ hökuməti tərəfindən dəstəkləndiyini bildirib.
ABŞ-ın Corciya ştatının paytaxtı Atlanta şəhərində Corciya Texnologiya İnstitutunun təşəbbüsü ilə keçirilən forumun "Yeni qaz erası astanasında: tendensiyalar, problemlər və imkanlar" panelində "TransAvropa və Avrasiya regionunda enerji təhlükəsizliyinin dəyişən mənzərəsi" mövzusunda çıxış edən Azərbaycanın ABŞ-dakı səfiri Elin Süleymanov enerji bazarında etibarlı tərəfdaş imicini qazanmış Azərbaycanın enerji diplomatiyası barədə qısa məlumat verib, bu xüsusda Xəzər dənizinin enerji ehtiyatlarının Qərbə istiqamətlənməsinin əsasını qoyan "Əsrin müqaviləsi"ndən bəhs edib.
Səfir E.Süleymanov enerji ehtiyatlarına sahib olmaqla bu ehtiyatlardan səmərəli istifadənin strateji yanaşmaya əsaslandığını, Azərbaycan hökumətinin bu xüsuda verdiyi strateji qərar və seçimlərindən danışıb və hazırda reallaşdırılmaqda olan irimiqyaslı enerji layihələrinin Azərbaycan hökumətinin strateji baxış və siyasi iradəsini təcəssüm etdirdiyini bildirib.
Alternativ enerji mənbələri və yollarının enerji təhlükəsizliyinin təminində rolundan danışan diplomat Avropanın geosiyasi mənzərəsini dəyişən layihə kimi xarakterizə edilən "Cənub dəhlizi" layihəsini qeyd edib. Səfir hazırda Avropa bazarına yeganə yeni təbii qaz axınının məhz Azərbaycandan nəql edildiyini bildirib.
Sözügedən paneldə həmçinin Vaşinqtonda yerləşən Strateji və beynəlxalq Araşdırmalar Mərkəzinin Enerji və Milli Təhlükəsizlik Proqramının direktoru Sarah Ladislav "Dəyişən qlobal və milli landşaft: Ümumi baxış" mövzusunda çıxış edərək, yaxın gələcəkdə ABŞ-ın təbii qaz ehtiyatlarının ixracının mümkün olacağını, lakin qiymətlərin münasibliyi baxımından bu ixracın əsasən Asiya bazarını cəlb edəcəyini qeyd edib. Buna görə də Azərbaycan qazının Avropa üçün strateji əhəmiyyəti aktuallığını uzun müddət saxlayacağını bildirib.
Birinci paneldə həmçinin ABŞ-ın nüfuzlu enerji şirkətlərinin nümayəndələri və araşdırmaçıları Şimali Amerika regionunda enerji sektorunun bərpası, qaz inqilabının ABŞ-ın cənub şərq regionlarına təsiri və qaz və iqtisadi rəqabətədavamlılıq barəsində təqdimatlar edib.
Qeyd edək ki, Atlanta şəhərinə səfəri çərçivəsində E.Süleymanov 1885-ci ildə əsası qoyulmuş və ABŞ-ın aparıcı araşdırma mərkəzlərindən biri olan Corciya Texnologiya İnstitutu nəzdindəki Beynəlxalq münasibətlər üzrə Sam Nan Mərkəzində Azərbaycanın enerji diplomatiyası barədə çıxış edib.
Milli.Az
Böyütmək üçün şəkillərə klikləyin.
İqtisadiyyat
ABŞ-ın enerji naziri: "Xəzər dənizinin enerji ehtiyatlarının və xüsusilə təbii qazın nəqli yollarının şaxələndirilməsi vacibdir" - FOTO
18 Aprel 2014 10:46
Baxış: 474
DİGƏR XƏBƏRLƏR
XƏBƏR LENTİ
- Uzun illər çəkildiyi "Arka Sokaklar"a qayıdır - FOTO
- Qırğızıstan Prezidenti Ağdam rayonunda məktəbin tikintisi barədə danışıb
- Azərbaycan Qazaxıstana humanitar yardımla dolu 5 maşın göndərib - VİDEO
- 15 gündə qarın piyini əridən İÇKİ
- Birbank Biznes-dən yeni müştərilərə özəl “Xoş gəldin” kampaniyası
- Sadır Japarov: Bu, Azərbaycan ilə Qırğızıstan arasında strateji münasibətlərin daha dərin xarakterini təsbit edir
- Makron “erməni soyqırımı”ndan yazdı: Unutmayaq...
- Prezident Qırğızıstana təşəkkürünü bildirib
- Nəsib Quliyev ölümündən əvvəl məktub yazıbmış
- Türkiyənin Qırğızısıtana sement məhsulları ixracının həcmi açıqlanıb
- Fransanın məşhur klubu Zubiri transfer etmək istəyir
- Bahar ona borc verməyən həmkarına efirdə QARĞIŞ ETDİ – VİDEO
- Məktəbdə baş verən yanğınla bağlı RƏSMİ AÇIQLAMA - YENİLƏNİB - VİDEO
- Prezident: Azərbaycan-Qırğızıstan İnkişaf Fondunun Nizamnamə fondu 100 milyon dollaradək artıb
- FTX 5 ildir izləyirmiş: Generalın həbsinin detalları
- İlham Əliyev: Azərbaycanla Qırğızıstan arasında ticarət dövriyyəsinin artması tendensiyası mövcuddur
- “Ayağıma geyindiyim corabı unudub, yarım saat axtarırdım”
- Vardanyandan “sülh quşu” yaratmaq cəhdi - Separatçı milyarderin sərvəti uğrunda mübarizə
- “Qarabağ” – “Neftçi” oyununun hakimləri açıqlandı
- Prezident: Azərbaycan Qırğızıstan ilə bütün istiqamətlərdə fəal qarşılıqlı əlaqələri davam etdirmək əzmindədir
- Cingiz Əhmədovu İNCİDƏN SƏBƏB: "Rejissorlar məni..."
- Misir Azərbaycan və Ermənistan arasında əldə olunmuş razılaşmanı alqışlayıb
- Karlos Tevez xəstəxanaya yerləşdirildi
- İlham Əliyev qırğızıstanlı həmkarını COP29-a dəvət edib