Mədəniyyət

Həbib Məmmədlinin solo konserti keçirildi

18 May 2017 19:00
Baxış: 411

May 17-də Bakı şəhər Mədəniyyət və Turizm Baş İdarəsinin 36 nömrəli uşaq musiqi məktəbinin tar ixtisası üzrə V sinif şagirdi, gənc istedad Həbib Məmmədlinin (müəllim Azər Allahverdiyev) solo konserti təqdim olunub.

Milli.Az xəbər verir ki, Ə.Bakıxanov adına 6 nömrəli uşaq musiqi məktəbində keçirilən konsertdə Bakı Şəhər Mədəniyyət və Turizm Baş İdarəsinin rəisi Vuqar Zeynalov, xalq artisti, professor Ağaverdi Paşayev, Azərbaycan Milli Konservatoriyası nəzdində Musiqi Kollecinin şöbə müdiri Cəfər Qafarlı və Bakı şəhər uşaq musiqi və incəsənət məktəblərinin direktorları iştirak ediblər.

Konsertdə H.Məmmədlinin ifasında C.Perqolezi, F.Şubert, J.Bize, A.Dvorjak, P.Çaykovski, S.Rüstəmov, Q.Qarayev, A.Rzayev, S.Ələsgərovun əsərləri, habelə "Şur" muğamı və onun müşayiəti ilə məktəbin xanəndəlik ixtisası üzrə V sinif şagirdi Rəşad Həmidovun ifasında "Güllü qafiyə" əsəri səsləndirilib.

Milli.Az

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.