Mədəniyyət

Xalq artisti 37 il əvvəlki əsgərlik FOTOlarını yaymağa məcbur oldu

27 Fevral 2017 20:50

58 Şərh Baxış: 7 639

#MƏDƏNİYYƏT

Bir sıra saytlarda və sosial şəbəkələrdə bəzi sənətçilərin hərbi xidmətdə olmaması ilə bağlı məlumatlar yer alıb. Həmin siyahıda xalq artisti, görkəmli muğam ustası Mənsum İbrahimovun da adı çəkilib.

Sözügedən iddialarla bağlı "Qafqazinfo"ya açıqlama verən xalq artisti bildirib ki, 1979-81-ci illərdə Moskvada hərbi xidmət keçib və xidməti də uğurla başa vurub:

"Son vaxtlar mətbuatda və sosial şəbəkələrdə tanınmış insanları qaralayan, onlarla bağlı həqiqəti əks etdirməyən, şər-böhtan xarakterli məlumatlar yayılır və bunu yayanlar heç bir dəqiqləşdirmə aparmadan, çəkinmədən belə böhtanlı informasiyanı işıqlandırırlar. Bu çox pis tendensiyadır və xahiş edirik ki, insanların şəxsi həyatı haqqında, onların nüfuzuna zərər vura biləcək məlumatları yayımlayarkən jurnalistlər bunu dəqiqləşdirməyə çalışsınlar".

Xalq artisti həmçinin, əsgərlik fotolarını və hərbi biletini "Qafqazinfo"ya göndərib.

Milli.Az

Digər maraqlı xəbərlər Milli.Az-ın Facebook səhifəsində