"Bozbaş pictures" serialının "Şirin"i kimi tanınan aktyor Nicat Rəhimov dramatik rollar oynamaq istəyir. O bu haqda Milli.Az-a danışıb:
"Bəzən komediya oynayırıq, amma o komik vəziyyətin içində də dramatik səhnələr olur. Çox istərdim ki, nə vaxtsa dramatik rolda da tamaşaçılar məni görsünlər. Özümə inanıram ki, bunu bacararam. Yaxşı rejissor mənim içimdəki o dramatikliyi görməlidir. Bu zaman ortalığa nəsə çıxarmaq olar. Aktyor hərtərəfli olmalıdır, nə rolu versələr, oynamalıdır. Düzdür, tamaşaçılar məni komik rollarla seviblər, amma dram və faciə janrlarında da özümü sınamaq istərdim".
Əli Rəhimoğlu
Milli.Az