2 fevral 2016-cı il tarixində saat 19:00-da Azərbaycan Dövlət Filarmoniyasında Azərbaycan gəncləri gününə həsr olunmuş "Gənclər bizim sabahımızdır" adlı konsert keçiriləcək.
Azərbaycan Dövlət Filarmoniyasının mətbuat xidmətindən Milli.Az-a verilən məlumata görə, konsertdə Azərbaycan Respublikasının xalq artisti Ağaverdi Paşayevın rəhbərliyi ilə F.Əmirov adına Əməkdar Kollektiv Azərbaycan Dövlət Mahnı və Rəqs Ansamblı çıxış edəcək.
Baletmeyster xalq artisti Cəmilə Bayramova, musiqi rəhbəri əməkdar artist Etibar Qasımbəyli. Xormeyster Fəxrəddin Atayev.
Solistlər televiziya muğam müsabiqələrinin qalibləri Sərxan Bünyadzadə, Kamilə Nəbiyeva, Nisbət Sədrayeva, Xətai Hacıyev, Lətifə Soyuöz, Elnur Suleymanov, Nigar Şahmuradova, Telman Əliyev, Ruslan Haciyev, Viktoriya Şahmuradova.
Milli.Az