Milli.Az bildirir ki, aktrisa, xalq artisti Nuriyyə Əhmədova Şüvəlandakı Mirmövsüm Ağa ziyarətgahı yanındakı qəbristanlıqda dəfn edilib.
Qeyd edək ki, aktrisa ötən gecə ürək xəstəliyindən keçinib.
N.Əhmədova 1950-ci il dekabrın 26-da Bakıda anadan olub. M.A.Əliyev adına Azərbaycan Dövlət İncəsənət İnstitutunun aktyorluq fakültəsində təhsil alıb (1970-1974). İlk fəaliyyətinə Azərbaycan Dövlət Musiqili Teatrında başlayıb. Kinoya ilk gəlişi 1982-ci ildə "Mozalan" süjetlərində çəkildikdən sonra olub.
Yaratdığı bir-birindən maraqlı obrazlar qalereyası ilə tamaşaçıların sevgisini qazanan aktrisanın əməyi hər zaman yüksək qiymətləndirilib. O, 2007-ci ildə Azərbaycanın xalq artisti fəxri adına layiq görülüb.
Əli Novruzəliyev
Milli.Az