Xəbər verdiyimiz kimi, Rusiya Federasiyası Kalmıkiya Respublikası B.Basanqov adına Milli Dram Teatrı Azərbaycan Dövlət Gənc Tamaşaçılar Teatrında qastrol səfərindədir. Milli.Az-a teatrın mətbuat xidmətindən verilən məlumata görə, oktyabr ayının 9-dan 11-dək davam edəcək qastrol səfərində teatrın yaradıcı kollektivi A.S.Puşkinin "Золотая рыбка" ("Qızıl balıq"), Ə.Əmirlinin "Любящая женщина" ("Sevən qadın") tamaşaları ilə çıxış edir.
Qastrol çərçivəsində Dövlət Gənc Tamaşaçılar Teatrının direktoru, Azərbaycan Respublikasının əməkdar artisti, Kalmıkiya Respublikasının əməkdar incəsənət xadimi Mübariz Həmidovla kalmıkiyalı qonaqların görüşü keçirilib.
Görüşdə Kalmık Milli Dram Teatrının bədii rəhbəri, RF-nin əməkdar incəsənət xadimi və Azərbaycan Respublikası fəxri mədəniyyət işçisi Boris Manciyev, Kalmıkiya Respublikasının xalq artisti Sergey Muçiryayev, rejissor, Mari El Respublikasının (Rusiya Federasiyası) əməkdar incəsənət xadimi Sergey Pekteyev, Dövlət Gənc Tamaşaçılar Teatrının baş rejissoru, Azərbaycan və Kalmıkiya Respublikalarının əməkdar incəsənət xadimi Bəhram Osmanov, yazıçı-dramaturq Əli Əmirli iştirak ediblər.
Görüşdə qarşılıqlı əməkdaşlıq məsələləri, gələcəkdə gerçəkləşdirilməsi nəzərdə tutulan bir sıra məsələlər, növbəti qastrol səfərləri barədə müzakirə olunaraq qərarlar qəbul edilib.
Milli.Az