Tanınmış şair Musa Yaqubun səhhəti ilə bağlı xoş xəbər var.
Publika.az-a danışan şair özünü yaxşı hiss etdiyini deyib: "Bir müddət öncə səhhətimdə ciddi problemlər vardı, həkimlər dərdimə əlac edə bilmirdilər. Nə qədər dava-dərman olunurdusa da, səhhətim düzəlmirdi. Heç bilmirdim, niyə belə halsızam. Amma artıq sağalmışam. Çölə-bayıra da çıxıram, dostlarla görüşürəm".
Şair heç yerdə işləməsə də, yaradıcılığına ara vermədiyini bildirib.
Xəstə olduğu vaxtlarda çoxlu yeni şeirlər yazan Musa Yaqub o şeirləri kitab halında çap etdirəcək.
Milli.Az