"Buta" İncəsənət Mərkəzinin təşkilatçılığı ilə Londonda keçirilən ikinci Beynəlxalq "Buta" Azərbaycan incəsənəti festivalı çərçivəsində Azərbaycanın xalq yazıçısı Elçin Əfəndiyevin "Teleskop" əsəri əsasında hazırlanan eyniadlı tamaşanın premyerası keçirilib.
Milli.Az AZƏRTAC-a istinadən bildirir ki, "Teleskop" ingilis dilində immersiv tamaşa formasında ilk dəfə səhnələşdirilib və rejissoru Metyu Qulddur.
Dünyanın müxtəlif guşələrində başqa dillərdə tamaşaya qoyulmuş pyesin 11 nəfərlik aktyor heyətindən ibarət Böyük Britaniya tərtibatında baş rolları tanınmış britaniyalı aktyorlar və televiziya ulduzları Kris Simmons və Tanya Frenks ifa ediblər.
Elçinin acılı-şirinli satirası bizlərə öldükdən sonra cənnətə gedən yolun yarısında qalmış bir insandan bəhs edir. O, mələk-məmurların idarə etdiyi və sonuncu səyahətlərini səbirlə gözləyən digər ruhlarla dolu Cənnətə gedən Yol stansiyasına düşür. Keçmiş sevgilisinin ruhunun köməyi ilə sistemdən baş çıxarmağa çalışan kişi bu dünyada qoyub gəldiyi ailəsi və dostlarına - onların özü haqqında həqiqi düşüncələrinə göylərdən baxmaq üçün qeyri-adi bir imkan qazanır və bu zaman özü haqqında çox mühüm həqiqətləri aşkar edir.
Azərbaycanın tanınmış dramaturqlarından olan Elçin müasirliyin üzərimizdə olan təzadlı təsiri haqqında cəlbedici və çoxqatlı müşahidələrini qeyd edir. Onun xarakterik qəhrəmanları çox vaxt sovet dövrü və hətta fantastika pərdəsi altında müasir Azərbaycan ruhunu təcəssüm etdirir. "Teleskop" Elçinin sərrast və eyni zamanda, incə satirik üslubunun bütün əlamətlərini özündə birləşdirir. Tamaşada baş rolu - "Kişi" obrazını Kris Simmons, "Qadın" rolunu isə Krisin əksini ifa edən Tanya Frenks oynayır.
Aktyor heyətində, həmçinin Co Eyr, Serxio Kovino, Anna Darvas, Pol Brennan, Reyçel Esposti, Amanda Rid, Eliot Bornman, Felisiti Colli və Hanna Genesius da yer alıblar.
Tamaşa Azərbaycan mədəniyyəti və incəsənətinin tanınması məqsədi daşıyan "Buta" festivalının zəngin qrafiki çərçivəsində "Alov" teatrı tərəfindən səhnələşdirilir.
Tamaşanın premyerasında Britaniya ictimaiyyətinin nümayəndələri, bu ölkədə yaşayan həmvətənlərimiz, Britaniyada fəaliyyət göstərən Azərbaycan diaspor təşkilatlarının təmsilçiləri yerli və xarici sənətsevərlər iştirak ediblər.
Tamaşadan sonra jurnalistlərə müsahibə verən baş rolların ifaçıları, televiziya ulduzları Kris Simmons və Tanya Frenks əsərin premyerasında rol almaqdan şad olduqlarını bildiriblər. Elçinin görkəmli yazıçı olaraq Britaniyada tanındığını və çox sevildiyini diqqətə çatdıran televiziya ulduzları əsərin səhnələşdirilməsi prosesi haqqında məlumat veriblər. "Əsərin mövzusu əslində bütün insanlıq üçün maraqlıdır. Bunu dünya haqqında bilmədiyimiz və dərin maraqla qarşıladığımız mövzuların incəsənətdə təzahürü kimi qiymətləndirmək olar. Hamı tərəfindən sevilən yazıçının əsərinin səhnələşdirilməsində baş rolları oynamaq böyük bir məsuliyyətdir. Ümid edirik, bunun öhdəsindən layiqincə gəlməyi bacarırıq", - deyə aktyorlar qeyd ediblər. Tamaşanın hazırlıq qrupu haqqında da məlumat verən K.Simmons və T.Frenks işgüzar bir kollektivlə çalışdıqlarını vurğulayıblar.
Tamaşaçı Fəridə Pənahova Elçinin əsərinin Londonda səhnələşdirilməsinin Azərbaycan mədəniyyətini tərənnüm etmək baxımından əhəmiyyətli olduğunu bildirib. Tamaşanın çox maraqlı və maarifləndirici olduğunu düşünən F.Pənahova, Şərq mədəniyyətini də özündə əks etdirən tamaşanın xüsusilə Qərb ictimaiyyətində böyük maraq doğurduğunu diqqətə çatdırıb.
Tamaşa martın 7-dək davam edəcək.
Milli.Az
Böyütmək üçün şəkillərə klikləyin.
Mədəniyyət
Londonda Elçin Əfəndiyevin "Teleskop" əsəri əsasında hazırlanan eyniadlı tamaşanın premyerası keçirilib - FOTO
28 Fevral 2015 10:12
0 Şərh
Baxış: 2 190
DİGƏR XƏBƏRLƏR
- Elçin Əzizov: Mənim üçün, xüsusən də vətəndə çıxış etmək həmişə həyəcanlıdır - FOTO
- “CineMastercard” kinoteatrında “Arap Kadri” türk komediyası nümayiş etdiriləcək
- Gənc Tamaşaçılar Teatrının may repertuarı - FOTO
- Disney dünyası şam işığında. Mystery Ensemble
- Süleyman Ələsgərova həsr olunmuş "Xalqin mədəni sərvəti" layihəsi davam edir - FOTO
- Fidan Hacıyeva Beynəlxalq Opera Festivalının proqramı təqdim olunub - FOTO
XƏBƏR LENTİ
- Hikmət Hacıyev COP29-dan danışdı: "Cəsarətimizin təcəssümüdür" - FOTOlar
- Pişiyin yaşadığı evdə bu 3 şeyi etməyin: Peşman olacaqsınız
- Bu bürcün qızları pis sevgili olur – Astroloqların İDDİASI
- Azərbaycanda stadionda qorxulu anlar yaşandı - VİDEO
- 50 yaşlı Bekhem açıq-saçıq geyimdə poza verdi
- Rusiya ilə münasibətlərdə problem var
- Günün qoroskopu: Şərait sizi nəzərdə tutulmamış xərclərə vadar edə bilər.
- Bakıya qarşı provokativ suala İran səfirinin cavabı
- Ərdoğan təsdiqlədi: Ərbilə səfər edəcək
- Rusiya müharibəyə bu gün son qoya bilər - G7
- Sloveniyadan vətəndaşlarına İranla bağlı xəbərdarlıq...
- Könül Həsənova icra başçısının müavini təyin olundu
- "Hudutsuz sevda"ya vida etdi - FOTO
- Netanyahu alman nazirə acıqlandı - “Biz nasistlərə bənzəmirik”
- ÇL-də həftənin ən yaxşısı açıqlandı
- Hava şəraiti kəskin dəyişəcək - XƏBƏRDARLIQ
- Dərbənddə naməlum şəxs kafedə insanlara atəş açdı
- Ermənistanın ərazisi İranın daha “qırmızı xətti” deyil? – Səfir
- Əliyev qan tökülmədən daha bir qələbə qazandı - Markov
- Venesiya Biennalesində Azərbaycan pavilyonu açıldı
- Zaminin məsuliyyətinə dair yeni hal müəyyənləşir
- Erməni tağım komandirinin müavini öldü
- Dua Lipa məşhur brend üçün kamera qarşısına keçdi - FOTOlar
- Ukrayna Rusiyanın hərbi obyektlərini vura bilər - NATO-dan TAM DƏSTƏK