Mədəniyyət

İşdən çıxarılan xalq artisti qərarını verdi

26 Yanvar 2015 13:45
0 Şərh     Baxış: 5 181
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#POPULYAR XƏBƏRLƏR #MƏDƏNİYYƏT
Xalq artisti Valeh Kərimov üç müxtəlif teatrdan iş təklifi alıb.

Milli.Az xəbər verir ki, bu barədə report-a açıqlamasında o özü məlumat verib.

Aktyor hər üç iş təklifinin Azərbaycanın rayon teatrlarından gəldiyini bildirib:

"Sumqayıt Teatrından işdən çıxarılma xəbərim yayıldıqdan sonra müxtəlif teatrların rəhbərlərindən iş təklifləri aldım. Hər birinə təşəkkür edirəm. Hələlik teatrların adlarını demək istəmirəm, çünki son qərarımı verməmişəm. Amma yaxın günlərdə üç təklifdən birinə müsbət cavab verib, bölgəyə yola düşəcəm".

O, bölgədə çalışmağın çətin olmayacağını da deyib:

"Niyə çətin olur? Mən aktyoram. Sumqayıt olmasın, başqa yer olsun. Gedib məşqimi, tamaşamı oynayıb qayıdacam. Əsas odur ki, sənətimlə məşğul olacam".

Qeyd edək ki, ömrünün 45 ilini Sumqayıt Teatrına həsr edən xalq artisti Valeh Kərimov 70 yaşının tamam olması ilə əlaqədar teatrdan uzaqlaşdırılıb. Aktyor bunu özünə qarşı haqsızlıq kimi qiymətləndirib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.