Hadisə, Kriminal

21 yaşlı iki uşaq anası özünü asdı, əri xəstəxanaya düşdü

5 İyun 2014 09:54
0 Şərh     Baxış: 3 190
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
Buna dözə bilməyən həyat yoldaşı kəsici alətlə başına ağır xəsarət yetirib

Şəkidə intihar hadisəsi baş verib.
 
Şəki Şəhər-Rayon Polis Şöbəsindən (ŞRPŞ) APA-ya verilən məlumata görə, hadisə ötən gün axşam saatlarında rayonun Kiş kəndində qeydə alınıb.
 
Şəki rayonu Kiş kənd sakini, 1993-cü il təvəllüdlü Rəvanə Rəsul qızı İdrisova asılmış halda ailə üzvləri tərəfindən yaşadığı evin həyətyanı sahəsindəki təndirxanada aşkar edilib.
 
İki azyaşlı uşaq anası olan R. İdrisovanın hansı səbəbdən intihar etməsi məlum deyil.
 
Onun özünü öldürməsinə dözə bilməyən həyat yoldaşı, 1985-ci il təvəllüdlü Faiq Məzahir oğlu İdrisov kəsici alətlə başına ağır xəsarət yetirib.
 
F. İdrisov Şəki Rayon Mərkəzi Xəstəxanasının reanimasiya şöbəsinə yerləşdirilib, vəziyyətinin orta-ağır olduğu bildirilir.
 
Faktla bağlı Şəki Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.