Gəncədə avtomobil divara çırpılıb, yaralılar var - FOTO

Ötən gecə saat 24 radələrində Gəncə Beynəlxalq hava limanının yaxınlığında yol qəza hadisəsi baş verib.

Milli.Az Kəpəz TV-yə istinadən bildirir ki, şəhər sakini, 27 yaşlı Elvin Əhmədov idarə etdiyi "Hyundai Sonata" markalı avtomobillə hava limanı istiqamətinə hərəkətdə olarkən anidən idarəetməni itirib və avtomobili yolun kənarındakı divara çırpıb. Nəticədə avtomobil tam yarasız hala düşüb. Sürücü Elvin Əhmədov və onun sərnişini, 30 yaşlı Əfqan Alıyev isə xəsarətlə Gəncə Şəhər Təcili Tibbi Yardım Xəstəxanasına aparılıblar. Səhhətlərində ciddi problemləri olmayan yaralılar ilkin tibbi yardımdan sonra evə buraxılıblar. Faktla bağlı Gəncə Şəhər Dövlət Yol Polisi Şöbəsində araşdırma aparılır.

Milli.Az

Böyütmək üçün şəkillərə klikləyin.