Bakıda "Prado" "Hyundai"la toqquşub aşdı - FOTO

Bakının Nəsimi rayonu, Hənifə Ələsgərov küçəsində qəza baş verib.

APA-nın xəbərinə görə, qəzada "Toyota Prado" və "Hyundai Grandeur" markalı avtomobillər toqquşub.
 
Qəza sözügedən küçə ilə hərəkətə edən "Hyundai"ın sürücüsü Xasıyev Əşrəf Vasif oğlunun işıqforun tələbini pozması nəticəsində baş verib. Qəzada Əzimov Rafiq Əli oğlunun idarə etdiyi "Prado" aşıb. Sürücülər xəsarət almasalar da, avtomobillərə ciddi ziyan dəyib.
 
Hadisə ilə bağlı Hənifə Ələsgərov küçəsində tıxac meydana gəlib. Əraziyə Dövlət Yol Polisinin Nəsimi Rayon Şöbəsinin əməkdaşları gəliblər. Hər iki maşın evakuatorlar vasitəsilə ərazidən uzaqlaşdırıldıqdan sonra yolda nəqliyyatın hərəkəti bərpa olunub.
 
Faktla bağlı Dövlət Yol Polisinin Nəsimi Rayon Şöbəsində araşdırma aparılır.

Milli.Az

Böyütmək üçün şəkillərə klikləyin.


Foto: APA, Facebook