Kriminal

"Piter Elçin"in qardaşının qətlinin sifarişçisi yaxalandı - KRİMİNAL SAVAŞDA YENİ PƏRDƏ

17 Aprel 2017 11:51
1 Şərh     Baxış: 1 635

Rusiyanın Sankt-Peterburq şəhərində Vüsal Əsgərov adlı Azərbaycan vətəndaşı həbs olunub.

Milli.Az lent.az-a istinadən xəbər verir ki, Əsgərov kriminal aləmdə "Elçin Piterski" kimi tanınan Elçin İsmayılovun qardaşı Maarif İsmayılovun qətlini sifarişdə ittiham olunur.
 
Xatırladaq ki, keçən il iyunun 20-də keçmiş polis işçisi Emil Hüseynov Peterburqun "Sofiyskaya" meyvə-tərəvəz bazasında Maarif İsmayılovu odlu silahla qətlə yetirmişdi. Amma qatil uzağa qaça bilməmiş, bazardakı satıcılar tərəfindən tutularaq polisə təhvil verilmişdi.
 
Əsgərovun həbs bəzi məqamlara da aydınlıq gətirib. Yerli hüquq-mühafizə orqanlarındakı mənbə "Peterbuqskiy dnevnik"ə bildirib ki, Vüsal Əsgərov qətlin sifarişini Moskvadakı kriminal avtoritetlərdən birindən alıb. Məlumata görə, əslində Maarif yox, qardaşı "Elçin Piterski" öldürülməliymiş. Amma killer Elçinin izinə düşə bilməyib. Bundan sonra plan dəyişib. Maarifin qətli gündəmə gəlib.
 
Mənbənin sayta dediyinə görə, bundan sonra Elçini Maarifin dəfnində aradan götürmək qərarına gəliblər. Amma bu dəfə də planı həyata keçirmək mümkün olmayıb. Əvəzində onun digər qardaşı öldürülüb.

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

1 Şərh:

  • Anonim
    lenkaran · 17 Aprel 14:3900

    Allah komeyin olsun Elcin

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.