Kriminal

Narkotiklə tutulan gənc: "Körpünün altında tapdım" - VİDEO - FOTO

24 Fevral 2017 20:58
1 Şərh     Baxış: 9 873
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Şəmkir polisi xeyli miqdarda narkotik vasitəni dövriyyədən çıxarıb.

Milli.Az ARB Kəpəz-yə istinadən xəbər verir ki, gənc oğlan Gəncədə əldə etdiyi narkotik vasitəni Şəmkirdə satmaq istədi. Ancaq onun bu arzusu ürəyində qaldı. Şəmkir polisi 24 yaşlı gənci külli miqdarda marixuana ilə birgə saxlayıb.

Şəmkir Rayon Polis Şöbəsinin əməliyyatçılarına rayon ərazisində narkotik vasitələrin alqı-satqısı ilə bağlı məlumat daxil olub. Dərhal əməliyyat tədbirlərinə başlayan polis əməkdaşları şübhəli kimi 24 yaşlı Yasin Qəribovu saxlayıb. Şöbədə Qəribovun üzərinə baxış keçirən əməliyyatçılar ondan 3 kloqram 230 qram açıq və daha 20 kibrit qutusu bağlı şəkildə qurudulmuş marixuana aşkarlayaraq götürüblər.

Bəxtiyar Rəhimov - Şəmkir Rayon Polis Şöbəsinin istintaq bölməsinin rəisi: "Qəribov Yasin Azər oğlu istintaqa məlum olmayan mənbəydən əldə etdiyi külli miqdar təşkil edən ümumi çəkisi 3 kloqram 326 qram qurudulmuş marixuananı özü ilə Şəmkir rayonuna daşıyıb. Şəmkir Rayon Polis Şöbəsi əməkdaşlarının keçirdikləri əməliyyat axtarış tədbirləri nəticəsində tutulub".

Əvvəllər Türkiyə Respublikasında məhkumluq həyatı yaşayan Yasin Qəribov cəmi 5 ay öncə vətənə dönüb. O, narkotik vasitəni Gəncə şəhəri ərazisində yol kənarından toplasa da, satmaq üçün üz tutduğu məkan başqa rayon olub.

Yasin Qəribov - saxlanılan şəxs: "Gəncə şəhərində körpünün altından tapdım. Torbaya və kibrit qutusuna yığıb taksi ilə Şəmkirə gətirdim. Yanacaqdoldurma məntəqəsinin yanında polislər tutdu".

Hazırda Şəmkir Rayon Polis Şöbəsində Cinayət Məcəlləsinin müvafiq maddələri ilə iş başlanılıb. İstintaq aparılır. 

Milli.Az

Videonu izləmək üçün şəklə klikləyin:

Narkotiklə tutulan gənc:

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.