Bakı Ağır Cinayətlər Məhkəməsində Bakı şəhər sakini, 1976-cı il təvəllüdlü İlqar Ələmdar oğlu Babayevin məhkəmə istintaqı yekunlaşıb.
Virtualaz.org saytının əldə etdiyi xəbərə görə, prosesə hakim Əlisultan Osmanov sədrlik edib.
Məhkəmə yolu ilə müəyyən edilib ki, İlqar Babayev 19 iyul, 2013-cü ildə Maştağa qəsəbəsində qonşusu Sərvər Quluzadə ilə dalaşıb. Dalaşma zamanı Sərvər Quluzadənin onun ünvanına ana söyüşü söyməsindən əsəbləşərək ona bıçaqla zərbə endirib.
Təqsirləndirilən şəxs qismində məhkəmədə dindirilən İlqar Babayev ona elan olunmuş ittihamla özünü təqsirli bilib. O, ifadəsində Sərvər Quluzadəni tanıdığını, uzun illərdir ki, onunla qonşu olduqlarını göstərib: "Ailəliyəm, himayəmdə iki azyaşlı övladım var. Fərdi işlərlə məşğul olmaqla ailəmi dolandırmışam. Yaşadığım evin həyətində gül əkib-becərir, həmin gülləri satıb çörəkpulu qazanırdım.
Sərvərlə aramızda heç bir narazılıq olmayıb. Son zamanlar Sərvər spirtli içki qəbul edir, küçəyə çıxır, pis, ağır söyüşlər söyürdü. Onun söydüyü söyüşlər mənim həyətimdə eşidildiyi üçün dəfələrlə Sərvərə iradımı bildirmişəm. Bununla bağlı aramızda bir neçə dəfə mübahisə düşüb.
Hadisə baş verən gün həyətimdən topladığım gülləri bıçaqla təmizlədiyim vaxt küçədən yenə də Sərvərin söyüş söyməsini eşitdim. Əlimdəki bıçağı yerə qoymağı unudub şalvarımın belinə keçirdim. Küçədə qarajın qarşısında dayanan Sərvərə yaxınlaşıb iradımı bildirdim. O isə iradıma məhəl qoymayıb söyüşlə "get filan et" dedi. Əl-qol atdığından yumruqla bir neçə dəfə Sərvəri vurdum. Bu zaman Sərvər rəhmətə getmiş anamın qəbrinə söydü. Əsəbləşib bıçağı çıxartdım və bir dəfə zərbə endirdim. Həmin vaxt küçəyə çıxan qardaşım Vüqar qaçaraq gəlib bizim aramıza keçdi və mənim qolumdan yapışıb evə apardı.
Sərvərlə dalaşan zaman ətrafda heç kim yox idi. Sərvəri bıçaqla vurmaq, öldürmək niyyətim olmayıb. Törətdiyim əməldən peşmanam".
Zərərçəkmiş şəxs qismində dindirilən Sərvər Quluzadə İlqar Babayevlə heç bir düşmənçiliyi olmasa da üç il əvvəl aralarında mübahisə düşdüyünü deyib: "Mübahisəyə səbəb mənim digər şəxslərlə ağacın kölgəsində oturub söhbət etməyim olmuşdu. İlqar bizə yaxınlaşıb həmin yerdə arvad-uşaq keçməsi səbəbindən orada durmamağımızı tələb etmişdi. Bizim söhbət etdiyimiz yerlə İlqarın dalanının arasında on metr məsafə olub. Kənddə heç kim başını qaldırıb oradan keçən qadınlara baxmır. Aramızda buna görə dava düşsə də sonradan barışmışdıq, hətta birlikdə çörək də kəsmişik.
Sonradan hiss etmişdim ki, İlqar arvadını hər kəsə qısqanır. Ona görə də arvadının oradan keçərkən kənar şəxslərin orada olmasını istəmir. Onun arvadı şəhər qızı olduğundan şəhərə uyğun paltarlar geyinirdi. Mən bu məsələni İlqara deyəndə münasibətlərimiz pisləşdi".
Zərərçəkmiş şəxs son zaman spirtli içki qəbul edərkən özü-özünə söyüş söydüyünü etiraf edib: "Axır vaxtlar pivə içir, öz-özümə söyürdüm. Hadisə baş verən gün İlqar mənə iradını bildirəndə dedim ki, get işinlə məşğul ol. Mübahisəmiz davaya çevrildi. Əsəbləşib İlqarın ata-anasının qəbrini söydüm. O da bıçaqla məni vurdu. İlqarın qardaşı Vüqar məni xəstəxanaya apardı. Təqsirləndirilən şəxsin qanunla nəzərdə tutulan qaydada cəzalandırılmasını məhkəmədən xahiş edirəm".
Məhkəmənin hökmü ilə İlqar Babayev 5 il müddətinə azadlıqdan məhrum edilib.
Milli.Az
Kriminal
Ana söyüşü, tin söhbəti, qonşu arvadın paltarı, 1 bıçaq, 5 il həbs...
2 Noyabr 2014 17:59
0 Şərh
Baxış: 2 394
DİGƏR XƏBƏRLƏR
- İmran Əliyev həbs edildi
- “Azparking” işçisini təhqir edən sürücü həbs edildi
- Dövlət qurumlarını aldadan iş adamına 11 il həbs - 10 milyonluq əmlakı alındı
- Gənc oğlanın üzərinə benzin tökərək yandırdığı qadının son durumu AÇIQLANDI - YENİLƏNİB
- “Sərxoş idi deyə “prava”m olmasa da, maşını mənə sürdürdü”
- Azərbaycanlının öldürdüyü şəxs məşhur imiş
XƏBƏR LENTİ
- “iPhone 16 Pro”dan hər kəsi sevindirəcək 3 xüsusiyyət
- ABŞ dövlət katibi Azərbaycanın kəndlərinin qaytarılmasını alqışlayıb
- NASA ən maraqlı kosmik missiyanı təsdiqləyib
- Bakıda yeniyetmələr küçədə görün nə etdi: çəkilən görüntülər təəccüb doğurur - VİDEO
- Sürət həddini aşmaq ona baha başa gəldi
- Begemot dərisindən qamçı ilə döyüldü – Hitler şəxsi düşmənini necə öldürüb?
- Xanımı ilə kamera qarşısına keçdi - FOTOlar
- Tül pərdələri belə yuyun - Bu sadə üsulu çoxları bilmir
- COP29 prezidenti Devid Terklə müzakirə apardı
- Dubay aeroportu təyyarələrin qəbulunu məhdudlaşdırdı
- Dünyada ən bahalı çay növləri: 4 milyon dollar...
- Şahmatçılarımız Avropa çempionatına qələbə ilə başladı
- Belqorodda daha üç Ukrayna PUA-sı məhv edildi
- Rusiyalı hərbi müxbir Ukraynada öldü
- Sosial medianın uşaqlar üzərindən qazancı dodaq UÇUQLADIR – Milyardlarla...
- “İnsan yediyi qaba tüpürməz”
- “TikTok”un populyarlaşdırdığı yuxu taktikası - Nə dərəcədə effektivdir?
- 48 yaşlı Nurgüldən iddialı pozlar - FOTO
- Nəsrinin bu FOTOları gündəm oldu
- Dörd kəndin qaytarılması xəbəri Qazaxda sevinclə qarşılandı - FOTO
- Sarımsaq-limon qarışımı ilə 21 gündə xəstəliklərdən xilas olun
- Hikmət Hacıyev COP29-dan danışdı: "Cəsarətimizin təcəssümüdür" - FOTOlar
- Pişiyin yaşadığı evdə bu 3 şeyi etməyin: Peşman olacaqsınız
- Bu bürcün qızları pis sevgili olur – Astroloqların İDDİASI