Kriminal

Hövsanlıları boğaza yığan ələ keçdi

21 Oktyabr 2014 14:06
0 Şərh     Baxış: 1 273
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#AZERBAİJAN #KRİMİNAL
Bakının Hövsan qəsəbəsində silsilə oğurluqlar törətmiş yevlaxlı gənc tutulub.

Bakı Şəhər Baş Polis İdarəsinin mətbuat xidmətindən Trend-ə verilən məlumata görə, Suraxanı Rayon Polis İdarəsi 30-cu Polis Bölməsi əməkdaşlarının keçirdikləri əməliyyat tədbirləri nəticəsində, oğurluqda şübhəli bilinən Yevlax rayon sakini, 1987-ci il təvəllüdlü Rövşən Cabbarlı tutulub.

Müəyyən edilib ki, o, avqustun 7-ə keçən gecə Hövsan qəsəbəsi Dənizkənarı küçəsində yerləşən, qəsəbə sakini Bibixanım Məmmədovaya məxsus mağazadan, kilidi sınqırılmaqla tütün məmulatları, spirtli, sərinləşdirici içkilər, danışıq kartları və kolbasa məmulatları, sentyabrın 20-də yenə həmin mağazadan arxa qapını sındırmaqla tütün məmulatı, spirtli içkilər, danışıq kartları və ərzaq məhsulları, avqustun 9-na keçən gecə Hövsan qəsəbəsinin O.Şabanov küçəsində qəsəbə sakini Sücaət Cəlilova məxsus marketdən damı sökmək yolu ilə kassadan 400 manat pul və ödəniş aparatı, oktyabrın 2-nə keçən gecə Hövsan qəsəbəsi Zeytun sovxozunda Fuad Abbasova məxsus mağazadan açar seçmə yolu ilə 90 manat pul, rəqəmsal kameralar üçün 1 ədəd yaddaş kartı və 2000 manat dəyərində tütün məmulatları oğurlayıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.