Kriminal

Həbsdə olan kollec direktoru öldü

30 İyul 2014 19:04
0 Şərh     Baxış: 2 874
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dövlət Sosial İqtisad Kollecinin rüşvətxorluqda təqsirləndirilən direktoru Mübariz Mahmudov ölüb

Milli.Az apa.az-a istinadən xəbər verir ki, Mübariz Mahmudov Ədliyyə Nazirliyi Penitensiar xidmətin müalicə müəssisəsində dünyasını dəyişib. Onun onkoloji xəstəlikdən əziyyət çəkdiyi bildirilir.

Qeyd edək ki, Bakı Dövlət Sosial İqtisadi Kollecində keçirilən antikorrupsiya əməliyyatı zamanı kollecin direktoru Mübariz Mahmudov, onun bacısı oğlu, kollecin qiyabi təhsil şöbəsinin müdiri İlqar Əzizov, həmin şöbənin metodisti Şahin Mirzəhmədov və direktorun sürücüsünə qarşı ittiham irəli sürülüb, barələrində 3 aylıq həbs-qətimkan tədbiri seçilib.

O da məlum olub ki, Baş prokuror yanında Korrupsiyaya qarşı mübarizə idarəsinin əməkdaşları xüsusi əməliyyat keçiriblər, adıçəkilən şəxslərin əllərində rüşvət üçün verilən pullar tutulub.

Onu da qeyd edək ki, həmin şəxslərin cinayət işi üzrə məhkəmə prosesi Bakı Ağır Cinayətlər Məhkəməsində davam etdirilir.

M.Mahmudov dünyasını dəyişdiyi üçün onun barəsində olan cinayət işinə xitam verilib.

Milli.Az
Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.