Ölkə

Piyadanın ölümünə səbəb olan sərxoş sürücü tutuldu

29 İyun 2017 15:44
2 Şərh     Baxış: 991
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ağstafa rayonunda piydanın ölümünə səbəb olan sürücü saxlanılıb.

Milli.Az report-a istinadən xəbər verir ki, iyunun 27-də gecə saatlarında rayonun Vurğun qəsəbə sakini, 1964-cü il təvəllüdlü  Namiq Həbib oğlu Yüsibovu vuraraq hadisə yerindən qaçan rayon sakini, 1990-cı il təvəllüdlü Ruslan Temuraz oğlu Kəbiyev saxlanılıb.

Araşdırmalar zamanı məlum olub ki, piyada və sürücü sərxoş olub. 

Belə ki, sərxoş halda avtomobil yolu ilə gedən N.Yüsibov anidən özünü maşının önünə atıb. Yüksək sürətlə idarə etdiyi "VAZ-2106" markalı avtomobili saxlaya bilməyən sürücü isə onu vurub. Hadisəni törətdikdən sonra isə sərxoş sürücü hadisə yerindən qaçıb. Polis əməkdaşlarının apardığı əməliyyat tədbirləri nəticəsində sürücü Eynallı kəndində saxlanılaraq istintaqa cəlb olunub. 

Qeyd edək ki, piyada N.Yusibov Ağstafa Rayon Mərkəzi Xəstəxanasına yerləşdirilib və orada ölüb. 
Faktla bağlı cinayət işi başlanılıb, araşdırma aparılır.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.