Ölkə

Tovuzda dolunun FƏSADLARI - 1120 ha sahəyə ziyan dəydi, 2834 evi su basdı - FOTO

22 İyun 2017 12:46
0 Şərh     Baxış: 1 426
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Tovuz rayonunun kəndlərinə dolu düşməsi nəticəsində evlərə və təsərrüfatlara ciddi ziyan dəyib.

Milli.Az xəbər verir ki, bu barədə Trend-ə Tovuz Rayon İcra Hakimiyyətinin Fövqəladə Hallar Komissiyasından məlumat verilib.

Məlumatda bildirilir ki, rayona düşən dolu 8 kənddə evlərə və əkin sahələrinə ziyan vurub:

"İyunun 10-da düşən dolu nəticəsində rayonun 8 kəndi - Əlimərdanlı, Qaraxanlı, Xatınlı, Qədirli, Cilovdarlı, Aşağı Mülkülü, Cəlilli və Düz Cırdaxan kəndlərində evlərin dam örtükləri və pəncərələri sıradan çıxıb. İyunun 20-də isə yağan güclü yağış və dolu həmin evlərə növbəti dəfə ciddi ziyan vurub".

Qeyd olunub ki, təbiət hadisəsi nəticəsində ümumilikdə 2834 evin dam örtüyü dağıldığından evlər su ilə dolub. Hazırda rayon Fövqəladə Hallar Nazirliyi ərazilərdə tədbirlər görür.

Komissiyadan bildiriblər ki, dolu kəndlərdəki əkin sahələrinə də ciddi ziyan vurub.

Həmin kəndlərdə aşağıda adları göstərilən kənd təsərrüfatı bitkilərinə 1120 ha sahədə ziyan dəyib:

Yonca - 49 ha
Buğda - 439 ha
Arpa - 64 ha
Üzüm - 143 ha
Meyvə bağı - 110 ha
Kartof - 164 ha
Pomidor - 45 ha
Qarğıdalı - 52 ha
Çuğundur - 33 ha
Tütün - 5 ha
Lobya - 8 ha
Kök - 8 ha

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.