Ölkə

Oqtay Həziyev: "Kim torpağını sevirsə, dövlət onu qiymətləndirir" - FOTO

15 İyun 2017 13:26
Baxış: 732

"Kim torpağını, millətini sevirsə, ölkə üçün zəhmət çəkirsə bu dövlət onu qiymətləndirir".

Milli.Az xəbər verir ki, bu sözləri APA-ya açıqlamasında Azərbaycan prezidentinin sərəncamı ilə yeni təsis edilən I dərəcəli "Əmək ordeni" ilə təltif olunmuş Cocuq Mərcanlı kənd sakini Oqtay Həziyev deyib. O. Həziyev Cocuq Mərcanlı işğaldan azad olduğu tarixdən bəri ailəsi ilə bu kənddə yaşadığını söyləyib: "İyirmi üç il qohumsuz, qonşusuz yaşadıq. Amma bu gün bunun həm maddi, həm də mənəvi əvəzini aldım. Cənab prezident həmişə vurğulayıb ki, hər bir azərbaycanlının prezidentidir. Mən bunu öz həyatımda yaşadım və gördüm. Mənə verilən evin orderini şəxsən təqdim etdi. Bu ev artıq mənim mülküm hesab olunur".
 
O. Həziyevin sözlərinə görə, istifadəyə tam hazır olan orta məktəb binası kəndin ilk şəhidi Novruz Aslanovun adını daşıyır.
 
Qeyd edək ki, iyunun 14-də yenidən qurulan Cocuq Mərcanlıya səfər edən dövlət başçısı Həziyevlər ailəsi ilə görüşüb. Prezident bütün zəruri mebel və avadanlıqlarla təchiz olunmuş dördotaqlı mənzilin orderini, eləcə də "Əmək ordeni"ni şəxsən O. Həziyevə təqdim edib. Bundan başqa, O. Həziyev Cocuq Mərcanlı qəsəbəsinin ərazi nümayəndəsi təyin olunub.

Milli.Az

Digər maraqlı xəbərlər Milli.Az-ın Facebook səhifəsində

Məqaləyə dair fotomateriallar:

DİGƏR XƏBƏRLƏR

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.