Ölkə

"Azərbaycan İslam dünyasına çağırış edərək missiyasını və dəyərlərini bölüşdü"

25 May 2017 08:00
Baxış: 1 936
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Bakıda keçirilən 4-cü İslam Həmrəyliyi Oyunları ən yüksək səviyyədə təşkil olunmuşdu. Bu Oyunlar həm təşkilati, həm də idmançılarımızın uğurları baxımından tarixi hadisəyə çevrildi".

Bunu Milli.Az-a açıqlmasında Milli Məclisin deputatı, parlamentin Beynəlxalq münasibətlər və parlamentlərarası əlaqələr komitəsinin üzvü Asim Mollazadə bildirib.

Onun fikrincə, bu İslamiadanın ölkəmizdə keçirilməsi ilə bir məsələ bir daha öz təsdiqini tapdı ki, Azərbaycan ən mötəbər beynəlxalq idman yarışlarını təşkil etməyə qadirdir və bunu çox yüksək səviyyədə həyata keçirə bilir.



Bununla yanaşı, A.Mollazadə hesab edir ki, Azərbaycan bu Oyunları keçirməklə İslam dünyasına bir həmrəylik çağırışı elədi, öz dəyərlərini açıqladı: "Bilirsiniz ki, ölkəmizdə bu yöndə tarixi bir ənənəvə və missiya var. İslam dünyasının ilk dünyəvi dövləti və mədəniyyətlərarası əməkdaşlıq məkanı olan Azərbaycan müsəlman ölkələri ilə öz dəyərlərini, mədəniyyətini, missiyasını bölüşdü. Zənnimcə, Azərbaycanın bu tarixi missiyası və ənənələrinin böyük bir region üçün, ümumilikdə isə dünya üçün böyük əhəmiyyəti var. Mənə belə gəlir ki, ölkəmizi bu baxımdan tanıtmaq üçün bu Oyunlar çox gözəl imkan oldu".

Qeyd edək ki, Bakıda mayın 12-dək 22-dək keçirilən 4-cü İslam Həmrəyliyi Oyunlarında rekord sayda -  54 ölkədən 3 minədək idmançı, eləcə də min nəfərdən çox texniki heyət iştirak edib. Oyunlarda 21 idman növü üzrə 269 dəst medal uğrunda keçirilən yarışlarda Azərbaycan atletləri 75 qızıl, 50 gümüş, 37 bürünc olmaqla ümumilikdə 162 medal qazanaraq ümumi hesabda birinci yeri tutublar.

İlkin İzzət

Milli.Az

Digər maraqlı xəbərlər Milli.Az-ın Facebook səhifəsində

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.