12:30
Bakı-2017 IV İslam Həmrəyliyi Oyunlarında sərbəst güləşçilərin mübarizəsi davam edir.
Milli.Az Trend-ə istinadən xəbər verir ki, yarımfinal mərhələsində təmsilçimiz Şərif Şərifov (86 kq) iranlı Həsən Yəzdaniçərati ilə qarşılaşıb.
İki Olimpiya çempionunun görüşündən İran güləşçisi qalib çıxıb - 0:11.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
---------
11:11
Sərbəst güləşçimiz Şərif Şərifov 1/4 finalda Pakistan idmançısı Məhəmməd İnamla üz-üzə gəlib.
Milli.Az Trend-ə istinadən xəbər verir ki, Olimpiya çempionumuz bu dəfə də vaxtından əvvəl qalib gələrək yarımfinala yüksəlib - 11:1.
----------
10:18
Bakı-2017 IV İslam Həmrəyliyi Oyunlarında sərbəst güləş yarışları davam edir.
Milli.Az Trend-ə istinadən xəbər verir ki, 86 kq çəki dərəcəsində çıxış edən təmsilçimiz Şərif Şərifov 1/8 finalda iraqlı Əl Muşatta ilə qarşılaşıb.
Daha yaxşı güləşən Ş.Şərifov növbəti mərhələyə yüksəlib.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Milli.Az