Ölkə

Bakı-2017: 3 güləşçimiz qızıl medalın bir addımlığında - YENİLƏNİB

18 May 2017 12:19

1 Şərh Baxış: 1 254

#CƏMİYYƏT #İDMAN #IV İSLAM HƏMRƏYLİYİ OYUNLARI

12:19

Azərbaycanın yunan-Roma güləşçisi Elvin Mürsəliyev (75 kq) IV İslam Həmrəyliyi Oyunlarında finala vəsiqə qazanıb.

Milli.Az Trend-ə istinadən xəbər verir ki, final uğrunda mübarizədə idmançımızın rəqibi Qırğızıstan təmsilçisi Kairatbek Tuqolbaev olub.

Güləşçimiz rəqibinə 3:2 hesabı ilə qalib gələrək qızıl medal uğrunda mübarizə aparmaq şansı əldə edib.

E.Mürsəliyevə qədər iki güləşçimiz - İslam Abbasov (85 kq) və Kamran Məmmədov (66 kq) da finala yüksəlib.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

----------

11:37

Azərbaycanın yunan-Roma güləşçisi Elvin Mürsəliyev (75 kq) IV İslam Həmrəyliyi Oyunlarında 1/4 finalda mübarizəyə qoşulub.

Milli.Az Trend-ə istinadən xəbər verir ki, idmançımız ilk görüşündə İran təmsilçisi Rasoul Qarmsiri ilə mübarizə aparıb.

Güləşçimiz ilk mübarizəsini 6:1 hesabı ilə qazanaraq yarımfinala vəsiqə qazanıb.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

Milli.Az

Digər maraqlı xəbərlər Milli.Az-ın Facebook səhifəsində