Ölkə

Ziya Məmmədovun müşaviri qohumunu yenidən məhkəməyə verir

27 Aprel 2017 10:57
0 Şərh     Baxış: 1 403
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sabiq nəqliyyat naziri Ziya Məmmədovun müşaviri Çingiz Baxşıyevin 7 kiloqram qızılını mənimsəməkdə ittiham edilən və bir neçə gün öncə bəraət alan Rövşən Əhmədovun iddialarına qarşı tərəf münasibət bildirib. R.Əhmədov həbsdən çıxdığı gün redaksiyamıza gələrək qohumu Ç.Baxşıyev haqda ciddi ittihamlar irəli səsləndirmişdi. 

Milli.Az xəbər verir ki, Çingiz Baxşıyevin vəkili Ceyhun Yusifov qafqazinfo-ya açıqlamasında ittihamlara münasibət bildirib. O deyib ki, R.Əhmədovun dedikləri yalan və şər-böhtandır: "Onun iddialarının heç bir hüquqi əsası yoxdur. Çingiz Baxşıyevi bir çox ağır cinayətlərdə ittiham edib. Biz də buna görə cinayət məsuliyyətinə cəlb edilməsi üçün qısa zamanda onunla bağlı xüsusi ittiham qaydasında məhkəməyə müraciət edəcəyik.

Bu hərəkəti əvvəlki fəaliyyətinin bu və ya digər formada davamıdır. Rövşən Əhmədov öz bacısına qarşı törətdiyi cinayətinə görə Salyan Rayon Məhkəməsinin hökmü ilə məhkum edilib. Bu məlumatı bəraət hökmü çıxaran hakim də bilirdi. Rövşən Əhmədov barəsindəki bəraət hökmü ilə bağlı da mübarizəmizi hüquqi müstəvidə davam etdirəcəyik".

C.Yusifov qeyd edib ki, R.Əhmədov bundan öncə Cinayət Məcəlləsinin 127-ci (qəsdən sağlamlığa az ağır zərər vurma) maddəsi ilə təqsirləndirilib.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.