Ölkə

Azərbaycanda kişilər niyə qadınlardan çox maaş alır? - AÇIQLANDI - VİDEO

21 Aprel 2017 18:24
3 Şərh     Baxış: 1 075

Son 10 ildə ölkəmizdə minimum əməkhaqqı 3,5 dəfə, orta aylıq əməkhaqqı isə 3,3 dəfə artıb.

Milli.Az apa.tv-ə istinadən xəbər verir ki, bunu əmək və əhalinin sosial müdafiəsi nazirinin müavini İdris İsayev deyib.

O bildirib ki, 2016-cı ildə ölkədə muzdla çalışanların orta əməkhaqqı 2015-ci illə müqayisədə 6,9 faiz artaraq 498,6 manat təşkil edib: "Sonuncu dəfə minimum əmək haqqı 2017-ci ilin əvvəllərində 10,5 faiz artırılıb. Lakin hələ də bizdə minimum əməkhaqqı orta əməkhaqqına nisbətən hələ də aşağıdır. Bunun artırılması bundan sonra da davam edəcək".
 
Nazir müavini əlavə edib ki, işçinin aylıq əməkhaqqı dövlət tərəfindən müəyyən edilmiş minimum əməkhaqqından az ola bilməz. Onun sözlərinə görə, bəzi işəgötürənlər vergi və sığorta ayırmalarından yayınmaq, işçilərin sosial xərclərini üzərinə götürməmək məqsədilə şəxsləri qeyri-rəsmi şəkildə işə cəlb edir, həmin şəxslərə qeyri-rəsmi qaydada, bəzi hallarda isə minimum aylıq əməkhaqqı məbləğindən də az əməkhaqqı ödəyərək, onların əmək və sosial hüquqlarını pozmaqda davam edirlər.
 
Qeyd edək ki, bu gün Bakıda Beynəlxalq Əmək Təşkilatının 2016-2017-ci illər üçün Qlobal Əməkhaqqı Hesabatının təqdimatı olub.
 
Tədbirdə çıxış edən Azərbaycan Həmkarlar İttifaqları Konfederasiyası sədrinin birinci müavini İlyas Əliyev bildirib ki, əsas narahatlıq doğuran məsələlərdən biri dövlət və özəl sektorunda orta əməkhaqqı səviyyəsində yaranmış qeyri-mütənasiblikdir: "Azərbaycan qadınları ev işləri ilə məşğul olduqları üçün daha yüngül və az məsuliyyət tələb edən iş yerləri seçirlər. Bu da nəticədə kişilərin aylıq əməkhaqlarının qadınlara nisbətən daha yüksək olmasına gətirib çıxarır".
 
BƏT-in əməkhaqqı üzrə mütəxəssisi Nikolas Studer Azərbaycanda əməkhaqqı siyasətinin daim ön planda saxlanılmasının, minimum əmək haqlarının artırılmasının, ölkədə orta aylıq əmək haqqı səviyyəsinin getdikcə yüksəlməsinin təqdirəlayiq olduğunu deyib. 

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin:

Azərbaycanda kişilər niyə qadınlardan çox maaş alır? - AÇIQLANDI -

DİGƏR XƏBƏRLƏR

Şərh yaz:

3 Şərh:

  • Anonim
    azik · 21 Aprel 18:3000

    babatda mayşda alirg

    Cavab yaz
  • Anonim
    777 · 21 Aprel 19:3300

    Hemise minimum ve orta emekhaqqinin artimindan yazirsiniz. Amma, bu bele deyil axi! Mektebimizde xidmetçi ile 14-cû derece ile maas alan ali tehsilli mûellimin bir aklad ûçûn aldiği pul arasindaki ferq cemi 60-65 manatdir. Artim hardadir, izah edin!

    Cavab yaz
  • Anonim
    user · 21 Aprel 20:2710

    süpürgə süpürgeliğini biləcək. seher gəl axşama qədər otur məndən çox maaş al yokkk

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.