Standartlaşdırma, Metrologiya və Patent üzrə Dövlət Komitəsi akademik Mirqasımov adına Republika Kliniki Xəstəxananın otolarinqoloqu, tibb üzrə fəlsəfə doktoru Məzahir Quliyevin təklifi əsasında hazırlanan dörd yeni ixtiraya - xüsusi konstruksiyalı adenotom, forseps (konxotom), bipolyar koaqulyasıyator ucluğu-pinset və sorucu ucluq alətlərinə müəlliflik hüququ verib.
Milli.Az xəbər verir ki, bu barədə AZƏRTAC-a məlumat verən ixtira müəllifi qeyd edib ki, həmin alətlərin tətbiqi burun-udlaq qanaxmaların qarşısının alınması, qan laxtalarının təmizlənməsi və görmə sahəsinin daha da yaxşılaşmasına, əməliyyatdan sonrakı fəsadların baş verməməsinə səbəb olacaq.
Yaxın vaxtlarda həmin alətlərin kütləvi şəkildə istehsalına başlanılacağı gözlənilir.
Milli.Az