14:27
Ucar rayonunda ölümlə nəticələnən yol qəzası baş verib. Hadisə bu gün səhər saatlarında Bakı-Qazax əsas magistral yolunun Ucar rayonunun Müsüslü kəndindən keçən hissəsində qeydə alınıb.
Milli.Az-ın istipress-ə istinadən məlumatına görə, Sumqayıt şəhər sakini, 41 yaşlı Fərrux Ramazanovun idarə etdiyi "Hunday" markalı çörəklə dolu yük maşını eyni istiqamətdə hərəkətdə olan Gədəbəy rayon sakini, 30 yaşlı Yaşar Hüseynovun idarə etdiyi "Shaqman" markalı maşına arxa hissədən çırpılıb.
Nəticədə "Hunday"ın sürücüsü Yaşar Hüseynov hadisə yerində ölüb. Maşında sıxılmış vəziyyətdə qalan meyit Fövqəladə Hallar Nazirliyinin əməkdaşları tərəfindən çıxarılaraq aidiyyəti üzrə təhvil verilib.
Faktla bağlı Baş Dövlət Yol Polisinin İstintaq və Təhqiqat Şöbəsində araşdırma aparılır.
----------
09:21
Ucar rayonu, Mürsülü kəndində "HYUNDAİ" və "HOWO" markalı iki yük avtomobilinin toqquşması nəticəsində yol-nəqliyyat hadisəsi baş verib.
Milli.Az FHN-ə istinadən xəbər verir ki, dərhal Nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq "HYUNDAİ" markalı yük avtomobilində sıxılmış vəziyyətdə qalmış 1976-cı il təvəllüdlü Ramazanov Fərrux İsmayıl oğlunun cəsədini çıxarıb və aidiyyəti üzrə təhvil verib.
Əməliyyat saat 06:00-da başa çatıb.
Milli.Az
Digər maraqlı xəbərlər Milli.Az-ın Facebook səhifəsində
Videonu izləmək üçün şəklə klikləyin: