Ölkə

Bakının subasan ərazilərinin infrastrukturu dəyişdiriləcək

17 Mart 2017 12:26
0 Şərh     Baxış: 534
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakının Sabunçu rayonu Zabrat qəsəbəsinin bəzi sahələrində subasma həmin ərazidə kommunikasiya sisteminin müvafiq tələblərə cavab verməməsi ilə əlaqədardır.

Milli.Az APA-ya istinadən xəbər verir ki, bunu "Azərsu" ASC-nin sədri Qorxmaz Hüseynov bildirib.

Onun sözlərinə görə, hazırda sözügedən ərazidə mövcud olan problemi aradan qaldırmaq üçün yeni layihələr hazırlanır: "Layihələrin hazırlanması prosesi başa çatdıqdan sonra maliyyələşmə məsələsinə baxılacaq. Bu layihələr icra olunaraq sözügedən ərazidə mövcud olan problemlərin aradan qaldırılması planlaşdırılır".

Sədr əlavə edib ki, Bakının bir neçə ərazisində yağış zamanı su səviyyəsi kritik həddə çatır. Onun sözlərinə görə, bunun da səbəbi həmin ərazilərdə müvafiq infrastrukturun olmaması və ya mövcud infrastrukturun bəzi tələblərə cavab verməməsidir.

"Bu çatışmazlıqları aradan qaldırmaq üçün aidiyyəti üzrə mühəndis və layihə işləri icra olunacaq", - deyə o bildirib.

Milli.Az

Digər maraqlı xəbərlər Milli.Az-ın Facebook səhifəsində

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.