PUL
Dünən sosial şəbəkələrdə "BakuBus" MMC-nin avtobuslarının salonlarında etik və təhlükəsizlik qaydalarına uyğun olmayan hərəkətlərə yol verən sərnişinlər haqda məlumatlar yer almışdı. Bu gün həmin sərnişinlərdən biri Mirhəsən Rafiqoğlu "BakuBus"a gələrək şirkət rəhbərliyinə yazılı müraciət ünvanlayıb və səmimi peşmanlıq hissi keçirdiyini bildirib.
"Bakubus" MMC-nin Mətbuat və ictimaiyyətlə əlaqələr şöbəsinin müdiri Mansur Piriyev Milli.Az-a bildirib ki, o, Təlim Mərkəzində avtobusdan istifadə zamanı sərnişinlərin təhlükəsizlik qaydaları ilə bağlı ətraflı məlumat aldıqdan sonra bir daha bu kimi davranışlarına yol verməyəcəyini söyləyib və bütün sərnişinləri, xüsusən də gəncləri ictimai nəqliyyatdan istifadə zamanı qaydalara əməl etməyə çağırıb:
"Gənc sərnişinimiz Mirhəsən Rafioğlunun səmimi peşmanlıq hissi keçirməsi və "Bakubus"a gəlməsi digər sərnişinlər, o cümlədən gənclər üçün müsbət nümunə sayıla bilər. Bu məsələ ilə bağlı formalaşan ictimai qınaq gələcəkdə ictimai nəqliyyatdan istifadə zamanı sərnişin məsuliyyətinin artmasına müsbət töhfəsini verəcək. Ümid edirik ki, sərnişinimizin peşmanlıq hissi uzun illərdən bəri formalaşmış arzuolunmaz vərdişləri dəyişməyə yardım edəcək".
İlkin İzzət
Milli.Az
Digər maraqlı xəbərlər Milli.Az-ın Facebook səhifəsində
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
