Ölkə

"Qanunlar "ölü" olanda korrupsiya çiçəkləməyə başlayır"

8 Fevral 2017 10:12
1 Şərh     Baxış: 1 904

Qanunları "ölü" normalar qəbristanına çevirməyin.

Milli.Az xəbər verir ki, bunu yol-nəqliyyat məsəsələri üzrə tanınmış ekspert, hüquqşünas Ərşad Hüseynov millət vəkillərinə xitabən bildirib.

Ekspert qeyd edib ki, bir neçə gün əvvəl "Avtomobil nəqliyyatı haqqında" Qanunda bir dəyişiklik edilib. Bu dəyişikliyə əsasən, bundan sonra yük avtomobillərinin sürücüləri də yalnız xüsusi hazırlıq keçdikdən sonra yük avtomobili sürə bilərlər:


"Əslində özünə hörmət edən yük daşıma şirkətləri və çoxlu sayda yük avtomobili olan qurumlar sadəcə vəsiqəsi olanlara avtomobil vermirlər və onların təlimini təşkil edib, daha sonra sürücü kimi işlədirlər. İndiyə qədər yalnız avtobus və taksi sürücüləri üçün belə hazırlıq məcburi idi. Amma obyektiv araşdırma aparsaq, görərik ki, "BakuBus"dan başqa heç bir qurumun sürücüsü bu hazırlığı real olaraq keçmir. Belə olan halda yük avtomobili sürücülərini də bu işə "cəlb" etmək kimə lazımdır? Əgər norma real icra edilmirsə, onu niyə qəbul edirik?"

Ə.Hüseynovun fikrincə, qanunlar işlək olmadıqda ondan korrupsiya mənbəyi kimi istifadə olunur: "Belə layihələri hazırlayanlara və onları Milli Məclisdə qəbul edənlərə demək istərdim ki, qanunları "ölü" normalar qəbristanına çevirməyin. Çünki bəzi "dəfinə" axtaranlar həmin qəbristanlıqda eşələnəndə korrupsiya çiçəklənməyə başlayır. Hansısa normanın qəbulundan əvvəl onun çox aydın iqtisadi, sosial, maliyyə, təşkilati və s. əsaslandırması olmalıdır".

İlkin İzzət

Milli.Az

Digər maraqlı xəbərlər Milli.Az-ın Facebook səhifəsində

DİGƏR XƏBƏRLƏR

Şərh yaz:

1 Şərh:

  • Anonim
    Ceyhun · 8 Fevral 10:1610

    Təmiz söhbət

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.