Ölkə

Belə yataqxana görməmisiz - Bədbəxt hadisəni gözləyən sakinlərin fəryadı - FOTO

9 Dekabr 2016 17:49
7 Şərh     Baxış: 7 206

Bakı şəhəri, Sabunçu rayonu, Bakıxanov qəsəbəsi, Abdulla Abdullayev küçəsi 2 ünvanında yerləşən 17 saylı yataqxanada yaşayan sakinlərdən Milli.Az-a şikayət xarakterli məktub daxil olub. Sakinlər bildirirlər ki, məskunlaşdıqları yataqxana qəzalı vəziyyətdədir, hər an uçub dağıla bilər. Müvafiq dövlət qurumlarının da bundan xəbəri var, lakin insanların taleyinə biganə yanaşılır: 

"Neçə illərdir ki, yataqxanada dözülməz şəraitdə yaşayırıq. Əgər buna yaşamaq demək olarsa... Dözülməz yaşayış şəraitimizlə bağlı illərdir ki, yuxarılara həm rəsmi, eyni zamanda şifahi olaraq müraciət edirik. Həmin qurumlar bunu öz məktublar arxivində dəqiqləşdirə bilərlər. Düşünürük ki, niyə dərdimizə əlac edən yoxdur? Fikirləşirik ki, bəlkə yuxarılara çox müraciət etməyimizlə aidiyyəti qrumlar bunu adi hal kimi qəbul edirlər? Heç soruşan varmı ki, ey yataqxana sakinləri, nədir sizin dərdiniz, nə istəyirsiniz?

Söhbət bizim Sabunçu rayonu, Bakıxanov qəsəbəsi, Abdulla Abdullayev küçəsi 2 ünvanındakı 17 saylı ikimərtəbəli yataqxanada ağır və dözülməz şəraitdə yaşamağımızdan gedir. Halbuki, bura daha çox cəhənnəmi xatırladır. Döymədiyimiz qapı qalmayıb. Dəfələrlə kollektiv şəkildə rəsmi dövlət orqanlarına müraciət etmişik. Yataqxanada 30 ailə yaşayır, bunlardan 24 ailə Cəbrayıl və Zəngilan rayonundan olan qaçqın və məcburi köçkün ailələri, qalan 6 ailə isə yerli sakinlərdir. Yataqxananın qəzalı və dözülməz şəraitdə olması səbəbindən yaşamaq uğrunda mübarizə aparırıq.

2016-cı ilin iyul ayında yataqxananın mətbəx və dəhlizinin tavan hissəsindən uçma hadisəsi baş verib. Sonra 6 yaşlı körpə mətbəxin çürümüş taxta döşəməsinin qırılması səbəbindən başından ağır xəsarət aldı. Bundan başqa, yataqxanadakı infeksiya səbəbindən 4 yaşlı körpənin beyninə mikrob düşüb. Yeriyə bilmir, yataq xəstəsidir.  Baxın budur güzəranımız...

İki mərtəbəli yataqxana 1946-cı ildə tikilib. Hal-hazırda qəzalı vəziyyətdədir. Dəhlizdə, mətbəxdə, divarlarda, döşəmədə çatlar əmələ gəlib. Yağışlı havalarda, xüsusi ilə də qış aylarında yataqxananın içinə su dolur. Çat əmələ gələn divarlarda hər an uçma təhlükəsi var. Kanalizasiya, su xəttləri sıradan çıxıb, yataqxananın içərisində antisanitariya hökm sürür. Yataqxanada gəmiricilər və infeksiya daşıyıcısı olan həşəratlar məskən salıb. Burada yaşayan insanlar arasında infeksion xəstəliklər yayılıb. Bunu tibbi müayinə nəticəsində də təsdiq edə bilərlər. Körpə uşaqlar, xəstə və yaşlı insanların səhhətində ciddi problemlər yaranıb.

Çox təəssüf ki, bu qədər dözülməz şəraiti olan yataqxana sakinləri ilə maraqlanan yoxdur. Yataqxana Bakı Şəhəri İcra Hakimiyyətinin Mənzil Kommunal Təsərrüfat Departamentinin balasındadır, lakin Sabunçu Rayonu İcra Hakimiyyətinin yaşayış ərazisinə daxildir.

Fövqəlada Hallar Nazirliyinin əməkdaşları bir neçə dəfə yataqxanaya baxış keçirib və qəzalı vəziyyətlə bağlı müvafiq akt tərtib ediblər. Akt Bakı Şəhər İcra Hakimiyyətinə və Sabunçu Rayon İcra Hakimiyyətinə təqdim olunmuşdur. Bu qurumlar isə deyir ki, qaçqınların köçürülməsi tədbirlərini Qaçqın və Məcburi Köçkünlərin İşləri üzrə Dövlət Komitəsinin məşğul olur. "Qaçqınkom" isə neçə illərdir ki, eyni cavabı verir. Deyir ki, balansımızda boş mənzil yoxdur. Deməli, 30 ailənin (100 nəfərdən çox) həyatının təhlükədə olması heç kimi narahat etmir. Lakin əmin olun ki, belə davam edərsə, 17 saylı yataqxanada bədbəxt hadisənin baş verməsi qaçılmazdır..."

Pünhan Mirzə
Milli.Az

Məqaləyə dair fotomateriallar:

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

DİGƏR XƏBƏRLƏR

Şərh yaz:

7 Şərh:

  • Anonim
    vətəndaş · 9 Dekabr 2016 17:5930

    Guya o qacqınların başqa yerdə evi yoxdu? Hamsının varıdı.Orda qalmaqla hökumətdən də əlavə istəyirlər.Yazıq dövlət qacqınlar ücün day neyləmiyibki?

    Cavab yaz
    • Anonim
      Vetendawa · 14 Fevral 20:0400

      Duppeduz.Kefi olar cekir!Her yerde villa,mawin bir de kafe.

      Cavab yaz
  • Anonim
    Ilahe · 9 Dekabr 2016 18:3700

    Basiva gelsin bilesen lezetin olsa gedib qalarda

    Cavab yaz
  • Anonim
    Ilahe · 9 Dekabr 2016 18:4500

    Olsa qalarlar kimin xosuna gelir zibilikde qalmaq

    Cavab yaz
  • Anonim
    Ilaheye · 9 Dekabr 2016 20:2700

    Guya camaat bilmirde her şeyi.Duzdu pis veziyyetde yaşayanlarda var,amma ekseriyyetinin başqa yerde şeraitli evleride var,sadece cooox tamahkardirlar

    Cavab yaz
  • Anonim
    Aydlndl · 9 Dekabr 2016 21:1300

    Gunay adlyla yazan oglan yigiwib ev alacam sene

    Cavab yaz
  • Anonim
    vətəndaşdan-ilahəyə · 9 Dekabr 2016 22:4720

    Kaş elə mən də qacqın olardım.Bir yol pulu xərcliyirlər,bir də geyimə.Onların işıgı,qazı,suyu,özənişli təhsillərinin pulunu mənimkimi kirədə qalanlar maaşlarından vergi pulu tutulmaqla ödəyirik.Qacqınlar da axşamdan səhərə işıq pulsuzdu deyib qoşa ciplərinin üstündə işıq yandırırlar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.