Ölkə

"Dövlət insanların məhərrəmlikdə toy etməməsi işinə müdaxilə edə bilməz"

30 Sentyabr 2016 11:39
93 Şərh     Baxış: 2 695
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dövlət insanların məhərrəmlik ayında toyun keçirilməməsi işinə müdaxilə edə bilməz.

Milli.az bildirir ki, bunu Trend-ə Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanda məhərrəmlik ayında toy keçirilməməsi ilə bağlı qoyulan ənənəyə münasibət bildirərkən deyib.

M.Qurbanlı hesab edir ki, isamda çox mühüm aylardan biri olan məhərrəmlik ayını yalnız dini baxımdan İmam Hüseyn əzadarlığı ayı kimi qeyd etmək yadda saxlamaq lazım deyil: "Amma hər kəsin dini inançına hörmətlə yanaşmaq lazımdır. İnsanların toy və digər mərasimləri keçirməsi qanunla tənzimlənmir".

M.Qurbanlı deyib ki, bu ənənə insanların özünə, onun məxsus olduğu dini inanca məxsusdur: "Azərbaycanda ənənəvi olaraq, məhərrəmlik ayında insanlar İmam Hüseyn əzadarlığı ilə bağlı toy və digər təntənəli mərasimlər keçirmirlər. Təbii ki, dövlət bu işlərə müdaxilə edə bilməz. Bu, onların şəxsi işləri və düşüncələridir. Əlbəttə, Azərbaycan əhalisinin böyük əksəriyyəti bu ənənələri yaşadır və bu ənənələrin yaşadılmasında da onların özünün müəyyən məntiqi var. Biz buna hər hansı şəkildə müdaxilə etməli deyilik. Bu, insanların öz seçimidir".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.