Ölkə

Bakıda Olimpiada: Nəqliyyata "mat" gedişi

31 Avqust 2016 10:42
1 Şərh     Baxış: 1 603
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Sentyabrın 1-dən 14-dək Bakı şəhərində keçiriləcək 42-ci Ümumdünya Şahmat Olimpiadası və FİDE-nin 87-ci Konqresi ilə əlaqədar yarış iştirakçılarının, qonaqların təhlükəsizliyinin təmin edilməsi məqsədilə iki həftə ərzində bəzi yollarda nəqliyyatın hərəkətinə fasilələrlə məhdudiyyət qoyulacaq.

Bunu Milli.Az-a DIN-in Bakı Şəhər BPİ DYPİ-nin İctimai əlaqələr bölməsinin rəisi polis polkovniki Vaqif Əsədov bildirib.

Bölmə rəisi bununla əlaqədar əhaliyə müraciət edib: "Paytaxt sakinləri, sürücülər və avtomobil sahiblərindən xahiş edilir ki, mehmanxanalardan tədbirin açılış və bağlanış mərasiminin olacağı Milli Gimnastika Arenası və yarışların keçiriləcəyi Kristal Zal üzrə nəqliyyatın hərəkət istiqamətinin fasilələrlə dəyişdiriləcəyini nəzərə alsınlar. Keçirilən tədbirin əhəmiyyətini nəzərə alaraq bu ərəfələrdə yollarda sıxlığın yaşanmaması üçün əsasən onlara paytaxtın Yusif Səfərov, Üzeyir Hacıbəyov, Zərifə Əliyeva və Rəsul Rza küçələri, Azadlıq və Neftçilər prospektləri, həmçinin Azneft dairəsi və Dövlət Bayraq Meydanı üzrə şəxsi avtomobillərdən mümkün qədər az istifadə etmələri  tövsiyə olunur". 

İlkin İzzət

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.